Waxgaradka Beesha Dhulbahante oo maanta Soo Saaray Bayaan(Sawirro).

Waxaa maanta lagu qabtay Tuuladda Buuro Wadal kulan balaaran oo ay kasoo qayb galeen Aqoonyahano, Waxgarad, Haween iyo Isimadda Beesha Dhulbahante oo in mudo ah Shir kulahaa Tuulada.

Kulankaas ayaa waxaa uu ku wajahnaa Soo bandhigida qodobada kasoo baxay kulanka Isimadda ay halkaas ku lahayeen, waxaana Bayaankooda maanta kasoo baxay kulanka goobtaas ka akhriyey Garaad Maxamuud Cismaan Mashqare.

Garaad Mashqare ayaa inta uusan qodobada ay Isimadda isku raacayaan ku dhawaaqin sheegay in ay Isimadu si weyn uga xunyihin Xaaladda ka taagan Magaaladda Laascaanood ee xarunta gobolka Sool,taasoo uu sheegay in Maamulka Somaliland ay duulaan kusoo qaadeen Magaaladaas iyagoo dadki halka deganaa ay Xeryaha qaxootiga dalalka Itoobiya,Kenya,Yemen iyo gobolada kale ee dalka Soomaaliya ku sugan yihiin.

Wuxuu kale sheegay in ay Beesha Caalamka ka jeesatay dhibaatada dadkaasi loo geystay oo ay uu geysteen waxaa uu ugu yeeray Jabhadda Soomaali diidka oo uu ku tilmaamay Maamulka Somaliland.

Sidoo kale waxaa uu sheegay in Jabhadda Soomaali diidka ay bilowday 3-bilood ee ugu dambeysay in ay fursad uga hesho Caburinta dadka magaaladda Laascaanood.

Garaadka ayaa ugu dambeynti soo bandhigay 9-qodob oo ah kuwa ay soo saareen Isimada Beesha Dhulbahanta,waxaana qodobada ahaayeen sidaan;

1.Waxaa la dhisaaya gudi la yirahdo Qusuusi.

2.Qusuusigu waxaa ay ka koobnaanaysa 21-Xubnood, Saddex ka mid ah ay dumar yihiin.

3.Qusuusigu waxaa ay awood uu leeyihin hawlihii Hogaanki lagu soo dhisay Nairobi.

4.Quusuusiga waxaa soo xulaaya Beelaha.

5.Qusuusiga waxaa ay iska dhexdooranayaan Gudoomiye,Kuxigeen iyo Xogheyn.

6.Qusuusiga waxaa ay mudadoodu ku egtahay Sanad iyo Bar maalinta la Ansixiyo.

7.Qusuusiga waxaa lagu keenaya mudo dhan 10-casho laga bilaabo maalinta gudoonka soo baxo

8.Qusuusiga waxaa kala diri kara Isimadda saxiixay Cod dhan 3/2

9.Shuruudaha lagu soo xulaayo Qusuusiga waxaa qeexaya Xeer hoosaad uu gaar ah.

Bayaankaan maanta ay Isimada soo saaren ayaa lagu sheegay in Hogaanki lagu dhisay Nairobi ay Isimada Maamulka Puntland kala hadleen in ay soo galaan dalka si ay ula kulmaan Qusuusiga.

Sidoo kale waxaa lagu sheegay in uu jiro Wefdi isugu jira Isimo,Cuqaal iyo Xubno ka mid ah Qusuusiga ay tegi doonaan Degaamada Sool, Sanaag iyo Ceyn si ay dadka ugu baraarujiyaan Xaaladda adag ee ka jirta dalka iyo sidii looga bixi lahaa.

Dhinaca Dhaqaalaha howlahaan lagu samaynaayo ayay sheegeen in Jaaliyaddaha SSC ee ku sugan dalka dibaddisa ay gacan weyn ka geysanayaan.

Bayaankaan maanta kasoo baxay Isimadda Beesha Dhulbahante ee ku shiraayay maalmahaan Tuuladda Buuro Wadal ayaa waxaa lagu sheegay in 3-dii Maamul ee Puntland isaga dambeeyey in midba mida kale uga darnaa dadka dega degaanadda SSC.

Waxayna Maamulka Puntland ee iminka talada haya ay uu cadaatay in uusan usoo jeedi wax ka qabashada degaamada ay degaan qeybtood oo la haysto,taaso Bayaanka lagu sheegay in ay Isimadu degaanka ay garwaaqsadeen in ay isku tashadaan oo howsha ay uu wajahaan qaab Beeleed hormuudna ay ka noqdaan Isimadda SSC.

Waxaana ay Isimadu uga mahadceliyaan Shacabka Reer Puntland sida hiil iyo hoob ay ugu galeen in lasoo celiyo goboladda SSC oo qayb ka mid ah ay gacanta ku hayaan Maamulka Somaliland.

Xukuumada Talada hada haysa ee Puntland ayaa Bayaanka Isimadu lagu sheegay in ay ku qiimayn doonaan sidii ay go’aankaan kasoo baxay ka yeesho oo keliya.

Isimada go’aankaan ku saxiixna ayaa waxaa ay kala ahaayeen;

1.Garaad Jaamac Garaad Cali Garaad Jaamac

2.Garaad Saleebaan Garaad Maxamed Garaad Maxmuud

3.Garaad Jaamac Garaad Ismaaciil

4.Garaad C/laahi Garaad Soofe

5.Suldaan Siciid Cismaan Cali

6.Garaad Abshir Saalax Maxamed

7.Ugaas C/laahi Ciise Nuur

8.Garaad Cali Buraale Xasan

9.Boqar C/laahi Axmed Cali

10.Garaad C/salaan Xasan Maxamed

11.Garaad Maxamuud Cismaan Maqshqare

12.Garaad Saleebaan Buraale Owaadan

13.Garaad C/laahi Maxamed Guuleed

14.Ugaas Faarax Maxamuud Cali

Shirkaan Isimada oo in Dhowaale ka socday Tuulada Buuro Wadal ayaa waxaa uu ahaa mid ay Shacabka Reer Puntland ay ka war sugaayeen Natiijada kasoo baxda.

Maxamed Siciid Yuusuf
Horseed Media
Buuro Wadal, Sool.

Tags: Laascaanood, SSC