Mawqifkee Puntland ka taagan tahay khilaafka Madaxda DFKMG?

Bilowgii sanadkii 2009 waxaa Soomaaliya ka dhacay isbedelo waaweyn,bilaabashadii sanadkii 2009 ay ka dhimatahay laba maalmood oo keliya waxaa is casiley Madaxweynihii Faderaalka Mudane Cabdullaahi Yusuf Axmed, 10 maalmood kadib is casilaadiisa waxaa doorashadii looga adkaadey Madaxweynihii Puntland, waxaana Puntland Madaxweynaheedi loo doortey Dr.Cabdiraxmaan Faroole, doorashada Faroole 20 casho kadib waxaa Madaxweynaha Federaalka loo doortey hogaamiyihii hore ee Islaamiyiinta Shiikh Shariif Shiikh Axmed.

Isbadalan siyaasadeed ee muddada yar dhexdeeda dhacay, ayaa waxaa barbar socdey isbedelaad kale taas oo qaybisey kuwo markii hore isku fikir ahaa, waxaana aad la isu weydiinaayey halka isbdelkaani uu cagaha dhiganaayo, iyo waxa uu ku soo kordhin karo dalka sharci darradu hareysey ee Soomaaliya.

Ka hor inta aan Shiikh Shariif loo dooran Madaxweynaha Federaalka, waxaa baaq soosaarey Madaxweynaha Puntland baaqaas oo si toos ah ugu socdey ergayga gaarka ah ee Qaramada Midoobey Ahmedou Abdallah, waxaana uu baaqaas ku caddeeyey mawqifka rasmiga ah ee Puntland ka taagan tahay shirka dib u heshiisiinta ee Jabuuti, Dr.Faroole ayaa caddeyey haddii aan Puntland talada wax laga siin in aysan khuseyn waxkasta oo shirkaas ka soo baxa.

Dhanaka kale Madaxweynaha ayaa khadka telefonka kula hadley Madaxweynaha Jamhuuriyadda Jabuuti Ismaaciil Cumar Geele, waxaana Dr.Faroole uu baarlamaanka Puntland u sheegay markii uu ka dalbaanaayey in ay golaha wasiirada u ansixiyaan, in laga casumey shirka Jabuuti oo ay dhici karto in ay halkaas aadaan.

Ma dhicin in Puntland ay ku yeelato door muuqda shirkii Jabuuti, waxaana xildhibaanadii ka yimid Jamhaddii fadhigeedu ahaa Ereteria garabka Shiikh Shariif ay soo xuleen 275 Xildhibaan oo gaar loo siiyey.

Doorashadii Shiikh Shariif

Kadib markii Madaxweynaha Soomaaliya loo doortey Shiikh Shariif Shiikh Axmed, dawladda Puntland way ka aamustey kamana hadlin doorashadiisa, ma jirin wax tahniyad ah oo loo direy sidoo kale ma jirin wax diidmo ah oo la soo saarey, waxaana Puntland u muuqatay mid ka warsugeysa habka uu la yimaado Shiikh Shariif iyo sida awooda loo qaybsado.

Magacaabidii Raysalwasaaraha Federaalka

Madaxweynaha Dawladda Federaalka Shiikh Shariif ayaa la tashiyo badan kadib waxa uu Raysalwasaare u magacaabey Cumar Cabdirashiid Cali Sharmarke taariikhdu markey ahayd 13.02.2009, magacaabida Cumar ayaa aad looga soo dhaweeyey Soomaaliya gaar’ahaan Puntland, waxaana lagu xasuustaa Cumar Aabihiis Rabbi ha u naxariistee Cabdirashiid Cali Sharmarke oo door mugleh ku lahaa siyaasadda Soomaaliya sanadihii 1950 – 1969, waxaana uu ahaa nin ku cusub masraxa siyaasadeed oo aysan jirin cid ka eedsheeganaysa.

Maamulka Puntland waa soo dhaweeyey, waxaana xaflad soo dhaweyn ah lagu qabtey Caasimadda Puntland ee Garoowe, waxaana halkaas ka hadley masuuliyiin heer wasiir ah iyo guddoomiyaha gobolka Nugaal.

Hordhaca dulucda qoraalku waa mid ku filan in akhrtistuhu fahmo xaaladdu sidey ahayd bilihii u horeeyey sanadkii 2009 oo ahaa kuwii isbedelka lixaadka leh ku yimid dalka Soomaaliya.

Heshiiskii Gaalkacyo

Kulankii u horeeyey ee hogaanka sare ee Federaalka Soomaaliya iyo Dawladda Soomaaliyeed ee Puntland ay isku soo horfariistaan waxa uu ahaa 19.Augost – 23.Augost.2009 magaalada Gaalkacyo, waqtigaas Puntland waxa ay ku jirtey xaalad aad u qalafsan waxaana ka dhacay magaalada Gaalkacyo dilal aad u foolxun sida Wasiirkii warfaafinta ee Puntland rabbi ha u naxariistee Warsame Shirwac, sidoo kale waxaa Cagaaran ku dhintey qaar kamid ah askarta Booliska kadib markii ciidamo kale oo daraawiishta ah ay xabad ku fureen, Madaxweynaha Puntland oo ku sugnaa Gaalkacyo ayaa waxaa ka dhacay Gaalkacyo mid kamid ahaa dilalkii u foosha xumaa ee ka dhaca Puntland kadib markii lagu xasuuqey Masjid ku yaala Gaalkacyo wadaado tabliiq ah kuwaas oo u dhashey dalka Bakistaan isla markaana ka tirsanaa Jamaacada Tabliiqa, waxaa la dhihi karaa siyaasadda Madaxweyne Faroole xiligaas taageero ayey u baahneyd iyo wax baddala xaaladdii markaas taagneyd.

Heshiiska Gaalkacyo waxaa uu Dawladda Federaalka ka dhex abuurey in ay Puntland jirto, nabad tahay xaqna u leedahay in ay qayb ka hesho taageerada Dawladdu hesho, iyada oo hoggaanka sare ee Federaalka ay ka buuxaan kuwo aan liqi karin magaca Puntland, waxaana Cumar ku dhiiradey in uu saxiixo heshiis kaas oo ay ku colaadiyeen qaar badan oo ka mid ahaa golaha xukuumadda isla markaana kalsooni badan ka haystey hoggaanka sare.

Heshiiska Gaalkacyo waxa uu Puntland ku soo jeediyey indhaha caalamka, inkasta oo Federaalku aysan qaybin heshiiskaas oo gaarsiin meelihii loo baahnaa, haddana Dawladda Puntland waxa ay awood u heshay in ay heshiiskaas gaarsiiyaan xafiiskatsa oo wax uga xirmeen.

Khilaafkii Madaxweyne Faroole iyo Shiikh Shariif

Shir aan horey loogu balamin isla markaana aan ku talo gal ahayn ayaa waxaa Nayroobi isugu yimid Shiikh Shariif iyo Dr.Faroole taariikhdu markey ahayd 12.11.2009, shirkan ayaa ahaa mid la isku fahmiwaayey, waxaana ugu weyneyd meelaha lagu kala boodey magaca Puntland la baxdey ee ah Dawladda Puntland halka Shiikh Shariif ku dooday in uu u yaqaano Maamul Goboleed dalkuna lee yahay hal Dawladd, inkasta oo Shiikh Shariif ka gaabsadey in uu arintaas saxaafadda kala hadlo ayaa waxaa dibadda soo dhigey Madaxweynaha Puntland Dr.Faroole. Raysalwasare Cumar Cabdirashiid iyo Madaxweynaha Puntland oo isla todobaadyadaas ku kulmey Nairobi ayaa Cumar u sheegay  Madaxweynaha Puntland in aysan ahayn in uu kala hadlo heshiiskaas Shiikh Shariif heshiiskuna uu ahaa mid saxiixan caalmkuna og yahay, isla markaasna aysan jirin saxiix kale oo dawladdu kaga noqotay.

Kulan kale oo aan isagana lagu talo gelin ee uu ka soo shaqeeyey nin ka tirsan Xafiiska Raysalwasaaraha isla markaana la taliye u ah Cumar Cabdirashiid ayaa waxaa Adis-ababa isugu yimid Shiikh Shariif iyo Dr.Faroole kulankaas oo laga soosaarey baaq ah in la is afgartey isla markaana laga wada shaqeeyo heshiiskii Gaalkacyo, waxaana uu u gogol xaarey is afgaradkaas in Kenya lagu kala saxiixdo heshiis adkeynaaya kii Gaalkacyo.

Khilaafka Dawladda Federaalka iyo Mawqifka Puntland

Dawladda Puntland ee uu madaxweynaha ka yahay Dr.Cabdiraxmaan Faroole ayaan wax war ah ka soo saarin khilaafkii hareeyey Dawladda Federaalka, waxaana Madaxweynuhu uu markaas ku jirey safar isaga oo ku sugnaa Nairobi, kadibmarkii Madaxweynaha Federaalku uu ka laabtey go’aankii uu ku khilaafay dastuurka Federaalka isla markaana uu ka qaybgalay shirkii Istanbul ayaa waxaa halkaas kulan ku qaatey Shiikh Shariif iyo Dr.Faroole waxaana ay ka wada hadleen khilaafka Dawladda Federaalka.

Dhegayso marka uu ka hadlaayo Madaxweynuhu magacaaabida Raysalwasaaraha: BBC [powerpress]

Madaxweynaha Puntland oo u waramaayey warbaahinta BBC ayaa caddeeyey in markii khilaafku dhacay ay la soo xiriireen dhinacyada is haya waana ka gaabsanay ayuu yiri in aan wax ka niraahno, sidoo kale waxa uu adkeeyey in arinta loo daayo sideedi hore maamulka hadda jirana uu shaqeeyo laakiin Dr.Faroole ayaa isla waraysigiisi isku khilaafey waxaana uu ilaaway hadalkii diblumaasiyadeed ee uu isticmaaley bilowga waraysiga, isaga oo ka hadlaaya doorashada guddoomiyaha Baarlamaanka ayuu yiri “….Guddoomiyaha baarlamaanku waa furaha waa in la soo doorto qof u qalma Madaxweynahana waan ka wada hadalney, kadibna uu madaxweynuhu Rayasalwasaare soo magacaabo ama kii hore ha soo cesho ama qof kale ha u magacaabo…..”

Waxaa is weydiin mudan sida la isu waafajinaayo erayada 50 ilbiriqsi dhexdood ka soo baxay Madaxweynaha Puntland ee ah in uu yiraahdo maamulkii hore hala daayo, iyo doorashada Baarlamaanka kadib Madaxweynuhu ha soo magacaabo Raysalwasaare?.

Madaxwewyne Shiikh Shariif waxa uu ka laabtey go’aankii khilaafsanaa dastuurka, Raysalwasaare Cumar Cabdirashiid isma casilin, waxaana uu sheegay in aanu dhib u arag in uu weydiisto kalsooni baarlamaanka, laakiin hadalka danbe ee Dr.Faroole ayaa ah mid la mid ah go’aankii hore ee Madaxweynuhu ka laabtey kaas oo ah mid khilaafsan dastuurka, waxaana dad badan si weydiinayaan in Dr.Faroole ka hadlo xilligan Magacaabista Raysalwasaare cusub xili Raysalwasaaraha xilka haya aanu wax kalsooni ah ka waayin Baarlamaanka.

Wararka labadii maalmood ee u danbeysey ka soo baxaayey magaalada Muqdisho ayaa sheegaya in Shiikh Shariif uu wado olole uu doonaayo in uu Raysalwasaaraha ugu magacaabo nin ka soo jeeda deegaanada Somaliland, lama oga in arintan ay ka wada hadleen Madaxweynaha Federaalka Shiikh Shariif iyo Madaxweynaha Puntland Dr.Faroole?, Inkasta oo Puntland mawqif cad aysan arintan ka istaagin ayaa la isweydiinayaa mowfika Puntland ma waraysigii Dr.Faroole ee BBC ayuu ku cadyahay?

I.Haji Said
Horseed Media

Comments

  1. cali says

    waan idinsalaamay idinka oo dhan waxaan meeshaan ka dhiibanayaa fikirkayga horta in faroole la iska caayo un ma haboonah oo waxey somali ku maahmaahdaa laxwalba shilinkey is dhigtaa lagu qalaa ina cabdirashiid isagaa meesha is dhigay ha iska qaado dhiiqada oo waxaa ka siyasad badiyay shiiq shariif sakiin iyo ibi ma waxaas baa reer puntland u dulqaadan karaan isagoo wiilku ka sooo jeedo dadkii siyaasada hadan shariif hakugu ciyaaro ma soconeyso yaan faroole afka la goosan faroole wuxuu qabtay wiilku u maleyn mayo toban sano oo danbe sii joogo in uu qabanayo yarku alaha u naaxariistee aabihiis ma raacin yarku puntlaand bu meesha ku joogaa s

  2. says

    waxaan oran dhamaan shacabka puntland hadalku ma aha sida habda aad u fasirato ee macnihiisa dhabta ah wa in aad heshaa Faroole waxaa uu cadeeyey in xukuumadu awood u leedahay is badel balse hadii u dhaco kulay go’aan ayuu ka qaadanayaa Cumarna wa nin reer Puntland ah cadkiisa cidla ma dhacayo ee sidaa ula socda

    Please iska daayo caadifada deg dega ah Horseedmedia waxaan kula talin lahaa in inta wax xun sheega ah laga tuuro araadooda

    Thanks Horseed

  3. XAAMUD says

    Arintu maha jago qof loo dhiibo ama laga qaado dalka waxa ku habsatay dhibaato colaad iyo dawlad la aan,maxaa xal ah? sidee soomaali ku heshaa dawlad shaqaysa? waynaan dareeminee dhibtu waa wax magarato madaxa ka haysata umadii soomaaliyeed iyo shisheeyaha danaha gaarka ah leh oo ay la kaashadeen xamar waa caasimad!!! waa run lakin way ahaan jirtay hada ma aha.waa meel lagu curyaamiyo soomaali.xalku waa dawlad waxay kushaqaysaa meel amaan ah,4 madax weyne waxay kushaqayn waayeen xamar oo liqday.xalku waa ka guurid fikirkan guracan ee dilaaga ah in badan fikira!! maxaa laynoogu qasbayaa xamar? yaa ina qasbaya? fakara dad tiro yar yaraba xamar

  4. says

    horseed waad ku mahadsantihiin sida hufan ee aad wax u qortaan laakiin dadka madaxda wax aysan ku hubin ee masabida ku sheegaya qoraalkooda xaniba si aysan sumcadda wibsite-ka u baabi’in sida dhawr qof oo Madaxweynaha P/land si qaawan u caayaya arrintaasu waxay lamitahay inaad idinku caydeen waayo masuuliyadiina weeye inaad wax kala huftaan.
    dadka reer p/land kala qaybinayana fidnada ay wadaan naga ilaasha anigu maqaba in faroole cumar cid uga doorilahaa Booska uu hayo dadka maamulkii cadde u calaacalayana waxaan isleeyahay waa qolo shaarka qardho soo gashatay oo rabta in ay xigtada shaki kala galiso.

  5. says

    Dr Faroole iyo Shariif waxay isku afgarteen markii ay ku kulmeen, istanbul in shaqada laga fariisyo Dr Sharmarke, laguna bedelo nin u dhashay somaliland. faroole,uma caawinayo Dr Sharmarke sidii Cade Muse ula jaalka iyo siyaasada ahaa C/laahi Yey. Faroole waa selfish, waa nin arrogant ah, waa nin aan marnaba abaal-gudin, hadalka BBcda uu ka dhahay ayaana wax walba u ah markhaati, laakiin faroolow puntland marnaba ma laasan doontid your term, becouse u are a simply taraitor. amarka uu ku xiray xataa PDRC waa la garan la,ayahay, mana muuqato talo wadaag, iyo inuu lacagtii dalka lagu qabanayo wax mashaariic ah, aan ka ahayn daxiiska qoyskiisa.

    • axmad says

      jaabir juneydi,

      intaad caytamaysid maad wax nuxur leh sheegtid. sharmaarke iyo faroole waa niman walaalo ah, sharmaarke waa ku filanyahay inuu xaqiisa dhacsado. ilamana aha inuu la sii shaqayn karo shariifka oo kale oo xataa aan weligiis akhriyin xeerka uu meesha ku fadhiyo. cumar ha ku ceeboobin ee iskaga tag inaad shaqaysid xamar kuu ogolaanmayside.
      asc

  6. codka shacabka says

    waxaa layiri meel libaax fariisan jirey atoor fariisay
    bal eeg meesha clahi yuusuf ka tagey oo reer Muqdisho oo dhan hab qabiil uga soo hor jeesteen hadana la geeyey r/w. cumar c/rashid.
    midda xigta horseed ma ilowday maalintii mooshinka lagu furay raysalwaraha oo layiri waa lacasilayaa oo dr: faroole uu shirka jaraid ku qabtay garow isaga oo leh
    R/w oo beesha puntland ka soo jeeda hadii lacasilo anaguna mowqif cad ayaan ka qaadanaynaa dowlada federalka,
    dr: cumar waa ninkii socod siin waayey zaxiixiisii uu saxiixay isagu, oo kii uu saxiixay sh.sakiin uu socday bal eeg labadaa nin kee teetal sareeya,
    iska saara hoos wax u eeg

    • Saleebaan Axmed says

      Saxiixa Sakiin Halkee ka socdey bal noo sheeg maxaa hirgalay, warka ah shir buu qabtey oo yiri waan ka soo horjeednaa adeer ma cirka ayuu ku qabtey waxay ahayd in uu ka hadlo marekii dhibtu taagneyd ee maaha waraysiga aad moodid inaanu dhegihiisa maqleyn

  7. DAYAX says

    Salaan ka dib, waxaad modaa Comments in ay hal meel u wada dhacayaan laguna Dhaliilayo Puntland, Caado waxaana inoo ah in aynu wax kastaa ku Xalino Deg Deg iyo Cadiifad, waxaan oranlahaa yaanan laga hor dhacin siyasada puntland ee inoogu duceeya in uu ilaah inoo wanaajiiyo.

    Puntland Cumar meeshii uu hore ka joogey buu ka jogaa, hadii Si sharciga waa faqsan aanan xilka loga qadin, P/land ma aqoon sanaan doonto Jeritaanka Dawlada Shariif, midaas niyada halagu hayo M/weynuhuna Hadalka BBC uu ka sheegay Xaq ayuu u leeyahey waayo Dawladu maamul ayey leedahey hadey soo doranayan iyo hadii ay cerinayaan, muhiimadu waa in sharci loo maro xilkisa.

  8. Hersi says

    waxaa laga dheehan karaa haddalada madaxweyne faroole doorka siyasadeed ee uu kula dagaalamayo reysulwasaarihiisa cumar ..taana waa ayaan darro iyo fool xumo ..mid ku ah faroole .

    R/W cumar waa nin ku dhexjira badweyn yaxaasyadu ku badanyihiin ..si xikmad ahna oo waliba degan buuna wax u maareeyaa isaga oo wada dadaal qof ahaaneed lana kaashanaya wax garadka soomaaliyeed laakiin aan aheyn qabiil ..isagaana guusha u dhow sida muuqatta .

    waxaanse talo u jeedin lahaa in maamulka p/land faroole uu madaxa ka yahay gacan siiyaan R/W waayo waa furaha nabadda soomaaliya bal si eey ugu suurta gasho in dowladda p/land loosoo weeciyo loona badbaad

  9. Hersi says

    Cajiiiib!! faroole oo lugaha kula jira federaalka iyo xiriirka labada xariif iyo faroole oo dhabtii isaga mid ah xaga lacag raadinta iyo safarada malabsiga ..ayaa is weydiin leh waxa eey ku heshiin karaan ?!!

    waa dhab Reysul wasaare cumar gacan kama uusan helin maamulka p/land ..sida uu madaxweyne c/lahi yusuf uga helay gacanta la isku haleynkaro maamulkii hore ee p/land ee uu cadde madaxa ka ahaa

    laakiin taas oo eey jirto cumar hashiis taariikhi ah buu u saxiixey p/land ..waloow maamulka faroole uu ka bad-badiyey in heshiiskaasu eey dhinaca federaalka ka socon waayey taasina waa arimo siyaasadeed oo uu faroole si gooni ah u cayaarahay

  10. Said says

    ASC ALL.
    Ninka sheeganaya wiilwaaloow, Caqligaaga hadashay ninwalba gaaraadkisaa gaarsiisa geed wacan, hadaba Madaweyne Faroole meesha si cad oo mug ku jirin buu ka yimid ugana tagi karaa, calaacalka iska daa.
    Hadii ina Abdirashid laga qaadayo maxaa ku jaban soo shalay looma dhiibin. Shariifna ma dhaafsiin karo Puntland Rasalwasaaraha malaha wadaan mid habow ah, Cumar na asagaa dhameesanaya inta u hadhay cidna kama qaadeyso hadii ay dhacdana waxa noo cuntama baa rabnaa Faroole ma aha madaxweyne SOmaliyeed waa Puntland, marka hadal Malagii galaa wadaan, ogaadana qofkii wax ka sheega in uu ka siyaadsanayo danbi oo qura.

  11. WiilMudug says

    Asc, Alle kadib Horseedmedia waad mahadsantihiin daacada aad u shaqeesaan.
    Waxaan la yaabay markuu Cadde joogay Puntland khilaafka waa uu yaraa beelo isqabsatayna lama arag TFG iyo Abdulahi lafdhabar ayuu u ahaa, shidaal iyo dakad dhisid ayuu ku soo kordhiyay. Waxaan leeyahay Dr.Faroole maxu kusoo kordhiyay P’land muddada u heestay ilaa uu wax casilo iyo nin jecleesi moyee? Omarna waxa uu rer P’land u qabtay waa lawada ogsoonyahay. Warqadda uu Faroole la waregayana waa ninkii saxixay.Waxey ila tahay in tan laga hadeydan sheekendono rer P’land hadeydan is daba qaban Omar waaba ay u fiicantahay in uu isaga tago lakin wa bahdil rer Pland lo rabo

  12. Bulon says

    KKKK Cumar Cabdirashiid Waa Aqoonyahan Calamka ka Yimi Qabiil Uma joogo. Madaxda Somaliya ee hada Xilka Haya Marka la, Isku Celcesho waa Shaqsiga keliya ee Shatigiisu Cad yahay. Ogada Xiriirka Calamiga ahna Albaabada Isagaa Idiin furay ee Qof turida iyo Qof Qadashada Iska Daya. wax Is Jacalaan La, Yirahdana ma Jirto ee dan baa meesha Taal.kkk

  13. says

    scw all waad ku mahadsantihiin bahda horseed media shaqad wanaagsan aad heysan iyo daacad nimad noogu soo kudbisaan wararka ,.,,,,,aniga somaliga badan marka lagu hadlaayo waa ku wareera balse haduu dr.froole ku hadlo hadal ka ah cumar hala badalo dee waaba nin waalan qof walana inuu xukun noohayo maah shacabkeena wa in ka tashanaa mida kale wadmad jongno dad badan walan suud qaba la ogeyn ee yaan la deg degin mar kale hal wareysto somaliga waa wax badan shyt ah lama fahmo next media hala ga wareysto point dhaha no more hadal badan wax ma taro haduu cumar ka hadlo iyo danahiisa hala badalo dee waa nin waalan waan xir xiraneynaa na

  14. says

    horta waxaa layiri qoon marke lahalaajinaayo waxaan waxba aqoon ayaa talada loogu dhiiba puntland marke froole loodhibay ayaaba dadku rajo dhigiin…waayo mahan froole nin taalinti dawladiid leh..waakan maalinkasta miilkaciyaaye anagu yaabnahay war reer puntlanow alle ayaa idinmaqan saa waaba aragna waxa madaxwayni idiin ah anigu waxaan kula talin lahaa isima cuqaasha waxgaradka dhalinyarada barlamanka puntland in ay arintaan kagil gishaan doorasho deg deg ahna puntland lagaqabto gudka ay ku dhacdayna puntland laga soosaro caano daatay dabadood laqabay

  15. guray says

    faroole wuxuu bbc ka cadeeyay inuu raali kayahay in cumar cabdirashiid shaqada laga eryo mida kale wuxuu ku faanay inuu cumar soo wacay uuna ka aamusay waa wax aad loola yaabo waxaan oganahy hishiiskii gaalkacayo inuu cumar hir geliyaay isagoon wax buuqa samayn mida kale faroole miyuu ilaaway war qaduu lawareegayo in cumar saxiixay oo caalamka tusay puntland waxaa muuqata marka in faroole yiri dantaydi waa gaaray ee maxaa cumar iiga galay isagoo aaminsan waxaana ogaataan haduu cumar meesha katago hishiiskaan in shariif ka daba imaan doono orana doono waxba kama jiraan weeye faroolena qoomaa ma ud

  16. canab says

    asc,horta waan dareemay aamuska reer puntland ee khilaafka cumarC/Rashiid iyo shariifka, wax cusub ma aha horaa loogu yiqiin reer puntland inay kooda magaca leh ama ku soo baxa siyaasadda ay necbaadaan garab ay siiyaan iska daaye.
    tan ah in Faroole oo hunguriyenayo jaga R/Wasaaraha ilama wax sax ah waayo Faroole wuxuuba heli karaa Madaxweynimo inuu ka helo Somalia oo dhan,haddana isagoo heer madaxwen heysta ma damaacinaayo R/Wasaare.
    Cumarna taageeradi uu uga baahnaa reer puntland kama uusan helin, mana uu ka sugaayo ee Ummaddiisa kale Ilaah ha u soo jeediyo.

  17. says

    reer horseed waad ku mahadsantihiin qoraaalka wixii lasoo maray aad taabateen.

    Arrinta Puntland waxaan kula talin lahaa sh.shafiif haddaanu u ogolayn inay puntland horumar samayso
    oo uu diidanyahay in mashaariicda dib u dhiska Somaaliya caalamku u ogol yahay laga fuliyo
    waa inaad ku cadaysaan inuu yahay nin qabyaaladu dishay cumar C/rashiid iscasilaa isaga iyo Faroolena midba meeshiisa jirjaaid oo lagu diidan yahay Dawladda sh.shariif ku qabtaa iyagoo leh kamid maahin TFG-da inta sh.shariif madaxda ka yahay waayo qaybihii Somaaliya wax qabsan lahaa ee lagu wada noolaa sidii Xamar loogu wada noolaan jiray ayuu houmarka u diidan yahay!!!

  18. says

    ascww.
    anigu horay ayaan u dhagaystay wareesigii madaxweynaha pland wax dhaliil ah kuma arag si barax leh ayuu u hadlay waana run wixii isbadel ah wuxuu u yaalaa sh shariif taas waa run!! lakin ogaada si xun wax u fahanku waa dhibaato somali meshan dhigtay, (example) Faroole cida uu badalayo isaga ayee u taal shariifka waxba laga weydiin maayo haddii cumar la badalo isagaa shalay magacaabay wixii talo ah oo ku aadan pland iyo maamulkaydana waa ay leedahay oo taas cid magan ugama ahidiin ee ogaada.

    waxaan ku talin lahaa qof walbo oo dhagaysta wareesiga bal inuu si macan u dhuuxo ka dibna commenta ka dhiibta waxa wareesigaas uu ahaa.

    as

  19. says

    Waxa la yiri”God hadimo ha qodin haddaad qodana ha dheereen ku dhici doontidaa mooyee” DR.Faroole markii jabuuti lagu soo dooranayey Ra’iisal wasaare waxa uu yiri nin walba oo Reer Puntland ah oo loo magacaabo Ra’iisal wasaare anigu raali ayaan ka ahay oo waxaa la hadlay Wasiirka Ganacsiga ee Cabdirishiid Ciro,ka dibna waxaa ku soo baxay Cumar Cabdirashiid,si kasta arinku ha ahaadee Dr.Faroole siduu ka filanayey kolkii uu waa yey ayuu isna is yiri Kan ha ku dhaafo.Anigu mid ayaan oran lahaa waxaana weeye”Nin Alle leh looma dardaarwariyo”.”Nin aan kuu furi doonin yuunan kuu rarin”.Wallaalo is naceb ayaa xabaalo badiya.Nolashu waa is af garad.

  20. abdiyare says

    Warka madaxwaynaha waan dhagaysanay sifiican ayuu u sheegay in mawqifka in dawlada siday tahay loo daayo ayey ku fiican tahay ayuu yiri laakiin possiblitiga in wax labadelo waa wax macquul ah taasna kama tegin hadalku wuxuu u dhacaayey shariif Sakiin in aan la dooran hadal waa margeyoo hadba dhankad rabto u jiido laakiin mawqifka faroole oo ku aadan cumar cabdirashiid in uu taageersan yahy marar badan ayuu taageeray waxaana taas kuugu filan. in hada ka la shaaciyey in cumar la bedlaayo shirkii galkacyo kadib oo uu mawqif cad ka istaagay iyadoo waliba shaaciyey in lagu bedalaay Hassan abshir oo faroole jifo hoose ay wada yihiin. waxaan umalyna

  21. Cabdiraxmaan Garoowe says

    Horsee waad salaamantihiin

    Markaan akhriyey faalada aad qorteen, ma waxaad leedihiin Xaafidullaahi Madaxweyne Faroole ayaa ku lug leh khilaafka Sheekh Kor-Madoobe iyo Cumar?

    Waxaan filayaa Faroole inuusan wax awood ah iyo saameyn uusan ku lahen, kuna yeelan karin maskiinka Sheekh Shariif iyo waxa uu wato; mana isfahmi karaan xataa

    Marka, bal hadlkaa ka fiirsada, rag wax xeeriya oo hadaladood miisamanyahay ayaad ii aheydan; shakhsiyan Cabdiraxmaan Ahaan

    Mahasanidiin

  22. Jagfe says

    Salaan sarre bahda Horseedmedia.
    Faroole ha iscasilo.
    Shariifna haduu Nin Somaliland kasoo jeeda magacaabana waa mid aanan waxna soo kordhineen.
    Faroole beesha caalamka uu agwareegayana ma heleen Cumar C/rashiid la’aantiis isna Nin jecleesi iyo waxaan jirin buu meelaha la wareegaa.
    Koley Shariif iyo dowlada Xamar fadhida Shabaab ma talaabayaan ee kuwaas yaan war la isaga daalin.

  23. sulub says

    a/c bacda salan anigu waxan u arkaa in uu yahay farole nin caqli badan oo la raba booska raysalwasaaraha nin karti badan oo aysan ka dabahadli karin indhacade iyo wax la mid ah marka adeer faroolw farsamuu wataaye u kaadiya yeysan qabyaalad ina qaadine

    • Mr Eyl says

      sulub wan kugu raacsanahay, isaga kaliya ma aha. reer putland waxay donayaan qof karti u leh inuu matalo puntland. PM aqoon waa leeyahay maasha allah. laakin, karti majirto.

  24. says

    Scww
    reer horseed waad ku mahadsantihii sida aad nooga haqabtidhaan waraarka darayka ah iyo xusuusinta wixii la soomaray, haddii aan usoo laabto mowqifka puntland ee muruga siyaasadeed ee tfg waa iska cad yahay warku waxaana afkii dawlada ku hadlay ninka u sareeya mudane dr madaxweyne faroole waxaana aamisanahay khilaafka soo cusboonaaday ee shiriifku soo celiyey in ay tahay labo mid uun 1 talo mr faroole keenay maadama raisalwasaaruhu pl ka soo jeedo isaguna pl madaxweyne ka yahay im mr faroole u muujiyey shiriifka in ayan pl waxba ka qabin siyaasada shiriifka iyo cida uu magaacabayo iyo cida uu eryayo,

  25. DALMARDALMAR says

    MADAXWEYNE SHARIIF IYO MADAXWEYNE CABDIRAXMAAN WAA IN AY MID BA MIDKA KALE KU CAASUUMAA MAGAALOOYINKA MUQDISHO IYO GAROOWE SI XIRIIRKA U FIICNAADO-TEEDA KALE HADII RAIISAL WASAARE CUSUB OO REER WAQOOYI SLAND LA KEENO WAX CUSUB MAAHAN 1967 XITAA WAA LA KEENAY NIN REER WAQOOYI AH MAXAMED XAJI IBRAHIM CIGAAL BUU AHAA MARKA WAX CUSUB MAAHAN

    • ebyan says

      dalmardalmar orod tariikh soo baro 1967 cigaal lama doran ee waxa ladortay c/rashiid cali sharmarke 1969 wuu dhintay.

Take The Conversation Further

We'd love to know your thoughts on this article. Meet Horseed over on Google+ or Twitter to join the conversation right now!