Muqdisho Xasilinteeda yaa qaabilsan Shiikh Shariif Axmed mise Cumar Cabdirashiid?

Madaxweynaha Dowlada Federaalka Kumeelgaarka Soomaaliya Shiikh Shariif Axmed ayaa xafiiskiisa kasoo saaray maalinimadii shalay qoraal lagu sheegay in Madaxtooyada aysan waxna ka ogeyn iscasilaada Wasiirada ka tirsanaa xukuumada DFKMG.

Qoraalkan oo lagu magacaabay  “…Mawqifka Madaxtooyada Soomaaliya Ee Ku Aaddan Is-casilaadda Wasiirada…” ayaa lagu sheegay in arrintan iscasilaada ah ay u taal Xukuumada dhexdeeda, isla markaana aysan Madaxtooyada ama Madaxweynaha uusan arrintan waxna kala socon.

Advertisements

Qoraalkan ayaa lagu sheegay in lasoo saaray kadib markii Saxaafadda qaarkeed iyo dadka falanqeeya Siyaasada Soomaaliya ay sheegeen in iscasilaada ay salka ku heyso talooyin uga yimid dhanka Madaxweynaha oo ay hada xurguf siyaasadeed ka dhaxeyso Raysalwasaare Cumar Cabdirashiid.

Hadaba qoraalkan ayaa sii xoojiyey shakigii laga qabay in Madaxtooyada ay ka danbeyso iscasilaada Wasiirada sida weyn ugu dhawaa Madaxweynaha, waxaana su’aasha la isweydiinayo ay tahay in Qoraalkan aan looga hadlin hadaladii Wasiirada kasoo yeeray ayadoo xubnahaasi iscasilay ku andacoodeen in Dowlada ay hawsheedii gabtay isla markaana ay dowlada hanan weyday shacabka iyo gacan ku dhigida magaalada Muqdisho.

Kaalintee buu Shariif ku leeyahay ka hirgelinta Dowlada gudaha magaalada Muqdisho?

Inta badan xubnaha xilka iska casilay ayaa ku dooday in;

- Dowlada ay ku fashilantay inay gacanta ku dhigto magaalada Muqdisho,

–  amniga sugto,

– isla markaana dowlada la balaariyo.

Qodobadan ayaa la oron karaa waa kuwo muhiim ah in wax badan la iska weydiiyo sababaha ay dowlada uga gaabisay.

Waxaa xiligan muddan in Madaxweyne Shiikh Shariif ka jawaabo su’aalahaasi ay keeneen wasiirada kamid ah asxaabtiisa, waa lama huraan in Madaxweynaha ka jawaabo habka ay dowlada Muqdisho gacanta ugu dhigi weyday?

Dowlada xiligan dhisan oo lagu sheegay Dowlad Midnimo Qaran ayaa markii lagu magacaabayey magaalada Jabuuti ee dalka Jabuuti, la hadal hayey in Madaxweynaha xilka loo doortay ee Shiikh Shariif Axmed uu si fudud ugu guuleysan doono inuu soo afjaro dagaalada Muqdisho ka socda, maadaama uu asagu asal ahaan kasoojeedo deegaankaasi, isla markaana siduu ugu guuleystay xiligii Maxkamada Islaamiga uu nabad kusoo celin doono caasimada Soomaaliya.

Kaalinta Shiikh Shariif Axmed

Shariif Axmed ayaa kaalintiisu ahayd inuu meel mariyo dowlada asagoo magaalada Muqdisho ka bilaabaya in dowlada ay gacanta kuwada dhigto, asagoo xilka loo magacaabay uu ku hantay inuu kamid ahaa Maxkamadihii islaamiga iyo mucaaradkii dowladii Cabdullahi Yusuf kasoo horjeeday.

Shiikh Shariif kuma guuleysan inuu magaaladii uu kasoo jeeday ee Muqdisho uu gacanta ku dhigo, dowladiina waxay noqotay mid horey u dhaqaaqi weyday oo kusoo kooban xarunta Madaxtooyada Villa Soomaaliya iyo goobaha ay illaaliyaan ciidamada AMISOM.

Madaxweynaha intuu xilka hayey wuxuu wakhti badan geliyey siduu safaro ugu bixin lahaa shirarka caalamka ka dhacaya, xili la wada sugayey inuu tuute u xirto nabadeynta Muqdisho sidii xiligii Maxkamadaha Islaamiga uu hogaamin jiray uu uga qeyb qaatay dagaaladii ka dhacay Muqdisho.

Hadaba kaalintii Shiikh Shariif ayaa ah mid aan meesha ka muuqan sida ay inta badan dadka ay afka ku hayaan, ayadoo muuqata Madaxweynaha in uusan xiligan diyaar u ahayn inuu ka jawaabo sababaha keentay inuu ku fashilo xasilinta Xaafadihii uu kasoo jeeday ee lagu tirinayey inuu hogaanka u qabto.

Kaalinta Raysalwasaare Cumar Cabdirashiid

Xiligii uu Madaxweynaha Dowlada Federaalka Shiikh Shariif soo magacaabayey Raysalwasaaraha waxaa kamid ahaa qodobadii kusoo xulay inuu yahay nin siyaasi ah isla markaana siyaasada Soomaaliya dhanka dibada ka dhisi kara isla markaana aan ahayn Askari dagaal gala balse xukuumad shaqeysa soo dhiso, Beesha Caalamkana taageero ka helo.

Waxaa muuqata in hawshii Cumar Cabdirashiid uu la wareegay Madaxweyne Shariif Axmed oo uu ku mashquulay safarada dibada iyo shirarka caalamiga ah, hadaba Cumar Cabdirashiid asagu ma qaban karaa hawshii Shariif Axmed looga fadhiyey ee ahayd xasilinta Muqdisho iyo soo jiidashada kalsoonida shacabka ku dhaqan Caasimada Soomaaliya?

Hadaba su’aalahan iyo kuwo kale oo badan ayaa muuqda inay shacabka is weydiinayaan, waxaana su’aasha meesha taal ay tahay hadii Baarlamaanka Federaalka xilka ka xayuubiyo Raysalwasaare Cumar Cabdirashiid, qofka lagu bedali doono ma noqon doonaa mid dowlada heerka ay maanta taagan tahay wax ka bedala, inta Madaxweyne Shariif Axmed kaalintii looga fadhiyey ee xasilinta Muqdisho aan kasoo bixin?

Madaxweynaha waxaa looga fadhiyey inuu jawaab ka bixiyo hadaladii kasoo yeeray Wasiirada iyo qodobada ay ka dhawaajiyeen in aan waxna laga qaban, halka uushegayo in arrimaha Golaha Wasiirada oo kaliya dhexdeeda u taal, isla markaana shacabka ka qanciyo sababta dowlada ay ugu guuleysan la’adahay la wareegida iyo amniga magaalada Muqdisho?

Zakariya Isse
zaki.isse@gmail.com

Comments

  1. mustafa says

    war shariifka iska daaya, wuxuu hada ka hor tahriib ku galay suudaan hada wuxuu bartay sida diyaarad loo raaco, waxaan caleemo qoyan ku soo dhawaynaynaa markuu minisota yimaado

  2. nuuro says

    Sh Shariif wuxuu Majaraha u hayey MM ee ka soo Horjeeday Dawladi Cabdulahi iyo Geedi kadib mariki Ay Burbureen MM wuxuu ka Mid ahaa Urur Dineedki Qalin ku Dirirka ahaa.Sh Shariif wuxuu Markale Majaraha u Qabtay Dawlad La,aqoonsanyahay.wuxuu R/ Wasaare u soo Doortay Masuul Heer Caalam ah Tuhunka Somalida Dhexyalna ka Fayoow.Umada Somaliyeed iyo inta Nabada Somalia Daneysaba Rajo fican baa Gashay. Balse waxaa Nasiib Daro Noqotay marki Sh Shariif Saxibadiisi Shalay ay Maantay Qori kala horyimadeen. Wakhtigakan Calamku Tageero Uma hayo Dawlada Sh Shariif R/Wasaare hiisana Khilaaf Aan Sahlanayn baa Dhex yaal oo Dhinaca Sharciga ah.

  3. xaamud says

    Arintu ma aha dawlad shaqayn wayday ee waa dareen xumo ku habsatay umada soomaaliyeed oo ay dareemi waa yeen dawladi meel nabad ah ayay kushaqaysaa,dalkuna wuu leeyahay magaalo iyo gobolo nabad ah dadkuna dawladnimada u heelan yahay.waxaa wax magaratada soomaaliyeed wali fahmi la yihiin caasimadii soomaaliyeed way burburtay dad ahaan iyo daar ahaanba waa burbursantahay,inta ku nool hada dawlad madoonayaan jahli dartiis iyo kasmo yari darteed ayagoo ay kaashanayaan shisheeye gumayste ah oo dano gaar ah kale dalkan. baydhaba goormaa laysku raacay in laga guuro?? sow shariif iskama iman xamar oo dawladii ma keenin taaso uu rabo in dawlad shaqayn

  4. A/samad M. Garon says

    Waxaa ila yaab noqotay nin magaladuu u dhashay xasilin la’ kuna eedaynaya cid kale in ay amaankeeda qabilsantahay .. M.shariif waxaa looga bahan yahay in uu raadsado taagerada reerkisa halka uu cidkale ku canaanayo macqulse ma tahay godane oo ka yimid Hargeysa in uu tagero ka helay Muqdisho shariifna ka waayo .. maxaa khaldan tuutihii maxakimta markay muqdisho haysatayna waa sitaa , waa ila yaab walee …

  5. says

    shariif wuxuu kudhexqarsoomay siyaad barre iyo c\dulaahi yuusu saadaraadeed waa adagtahay inuusoobaxo
    runtii waxaan layaabaa hadala uunaguyiri brof dalxe wuxuu yiri waxay dhihijireen mucaaradku xiligii c\laahi yuusuf arhoy hanagufalaashina yawna soowacinee taasoomacnaheeda ay ula jeedaan yaan waxlaga ridin wuxuu intaa kudaray c\laahi wuxuu oran jiray ciidamada ninkii idin soofalaasha halawaco(yaan labakhaylin)
    laakiin shariif maalintii uuyimi baysoobiriiriyeen markuu wax wiciwaayay nah waatii wasiiradii lagadilay kamadamayn
    anigu malihi wax haladilo laakinn waxaan leeyahay c\lahi wuxuu yaqaanay soomaali iyo sida loola dhaqm

  6. WIIL SANAAG says

    yaa ala yaqaana war waxaa iga daran kuwan rajada ka qaba Madaxweyne ku sheega Shiikh Shiriif oo aan isakdaa aqoon Dowladeede xataa lahayn khibrad shakhsiyadeed hehhehe war heedhe Shiikh SHiriif uma qalmo Madaxweyne awalba waxaa meesha keenay oo ku hayey weled Cabdala oo shuraako kula ahaa Deeqaha la siiyo Dowlada toloow kaasna la casilyeye e yaa shiikh Shiriirf sii qarinaya ceebihiisa.

    Cumar C/rashiid waa aqoonyahan khibrad fiican le samcadana ku dhex leh bulshada dhexdeeda marak waa ka so bixi karaa kalintisa bal Hawiye intu isu tago ha keeno nin kaalinta Shiikh Shiriirf ka so bixi kara hana la dhiso Dowlad Cali Geedi madaxweyne u yahay .

  7. says

    waa runoo Shariif Axmed waa la ogaa dagaalkii xaafada CC siduu uga qeybqaatay asagoo safka hore dagaalka ku jira hadana Villa Somaliya iyo Diyaarad uun buu u dhaxeeyaa, ma wuxuu sugayey Cumar oo Canada ka yimid inuu Dowlada kubalaariyo Muqdisho/???cajiib

    waxaa kaaga siidaran shariif axmed siduu isula fiican yahay, waxaa la rabay inuu is casilo hadii uu ku fashilay in Xaafadii uu kasoo jeeday uu nabadeyn waayey ma meel kale buu nabad iyo maamul u keenin!!?>?