Al-Shabaab Oo Sheegatay Qaraxii Lala Beegsaday Hotel Muna Ee Muqdisho

Xarakadda Al-Shabaab ayaa ka hadashay qarax ismidaamin ah oo saaka lala beegsaday mid kamid ah hoteelada ku yaalla magaaladda Muqdisho oo ay deganayeen Xildhibaano iyo masuuliyin ka tirsan Dawladda Federaalka.

Afhayeenka Al-Shabaab Sheikh Cali Dheere oo shir jiraa’id ku qabtay magaaladda Muqdisho saacado kadib markii uu qaraxu dhacay ayaa sheegay in qaraxaas ay fuliyeen guutada Kumaandooska ee Al-Shabaab,isla markaasna ay la beegsadeen hoteelka oo u sheegay in ay deganayeen Xildhibaano iyo Wasiiro.

Advertisements

…Maantey rag ka tirsan xarakada al-shabaab kuwaas oo ahaa kumandooska xarakada, ayaa fuliyey hawlgal culus, waxaana ay qarax la beegsadeen Hotel ay si weyn u camireen kuwa xildhibaanada isku sheega waxaana halkaas ku halaagsamay qaar badan oo kamid xildhibaano ku sheegi….” ayuu yiri Cali Maxamuud Raage (Cali Dheere).

Afhayeenka al-Shabaab ayaa sidoo kale sheegay dadka ay laayeen in ay ka mid ahaayeen qurbo joog ka timid dibadaha kuwaas oo uu sheegay in ay dalka ugu soo laabteen sidii ay muslimiinta u dhibaateyn lahaayeen!!.

Cali Dheere ayaa sidoo kale amaan iyo duco u jeediyey kooxdii fulisey qaraxii Hotel Muna, waxaana uu sheegay in ay sii laba laabayaan qaraxyada iyo dagaalada ay wadaan

Wuxuu intaas ku daray in khasaaro badan uu ka dhashey weerarkaas isla markaasna mahadcelin gaar ah ujeediyey dadkii fuliyey.

Qaraxii ka dhacay Hoteel Muna ee ku yaalla degmada Xamar Weyne ayaa la ogeyn khasaaraha dhabta ah ee ilaa iyo hadda ka dhashey,inkastoo wararku ay sheegaayan in ay ku dhinteen Xildhibaano iyo dad kale oo hoteelka deganaa.

Horseed Media

Comments

  1. abdirahman-somali says

    ASALAAMU CALAYKUM…

    SUBXAANALAAH…….SUBXAANALAAH……….SUBXAANALAAH..

    Allow kuwan isu bahaystay baabiinta shacabka muslimiinta ah ee soomaaliyeed naga soo gaadh oo noo soo saar qowm nooga filnaada.. allahayow kayeel ciqaabtooda mid kuwaarta,jaxiima allow gee…

    waa tuma waase tee aayaddaha aad udaliishateen shacab muslimiin ah in aad laysaan. been haka sheegina diinta islaamka ,diintu saad sheegaysaan maahan,haddaad islaam tihiin kudhaqma diinta oo uga danbeeya culimada. yaa allaah ..

  2. qoolmadhige says

    Waxa la yaab ah Maalin walba Muqdisho qarax ba ka dhacaya. O waliba lagu laynayo rag xildhibaano iYo wasiiro ah. Waxa cajiib ah Nidaam xumada Dowladda Haysato Wasir iyo Xildhibaan Hoteell dagan o iska fadhiya goobaha shacabka o iska sheekaynaya.. Waxa mooda dadku ineysan fahansaneen.. Dowladnimo Waxa kalo moodaa Sheekadan iney tahay Sheeko madax iyo majimo meel la qabto lahayn. ha wareegato waligeed ..

  3. yaan yuurceejiye says

    waa layaab tanoo kale maba fahmooynee see wax yahii
    dagal bes yab wayab waye maan camal mafiicna
    waxan kudhohoya naga gambista kistoo dabaaliin maatihii

  4. hersi says

    sheydaan dheere ..iyo inta uu haabi-biyey …wallee waxaad sameeyneysaan iyo tacadigaad diinta islaamka u geeysateen waa wax taariikhda qori doonto ..abaalkiinana aad xaf eebbe ka helidoontaan…bisha ramadaan-na waxaad u muuqataan kuwa ku dhammaan doona muqdisho….waligiinba dhibka wada …dhabtuse waa idinka uunbaa dhamaan doona …somalina waa eey jiri dhibkana mar uun waa laga baxayaa ….laakiin shabaaboow somali idin baratey cid idinrabtaana ma jirto….ineeydaan diin shuqul ku laheyn-na waaba iska muuqattaa oo aad shayaadiin u shaqeysaan