Xiisad ka dhalatay wiil reer Falastiin ah oo lagu dilay magaalada Hebron

 dhalinyarofalastiin1

Waxaa maanta oo Khamiis ah iska horimaad ku dhexmaray  magaalada Hebron ee Daanta Galbeed ee wabiga Urudun (Dhulka Falastiin) dhalinyaro mudaharaadayey iyo ciidamada Isra’iil, kadib markii magaalada shalay lagu dilay wiil 17 sano jir ah.

Advertisements

Wiilka shalay la dilay oo lagu magacaabi jiray Maxamed Saciid Cawad Salayman ayaa ahaa 17 sano jir, waxaana la sheegay inay toogatay askariyad kamid ah ciidamada Isra’iil oo ku sugan isbaaro ku taal gudaha magaalada Hebron.

Afhayeenka ciidamada Isra’il ayaa saxaafada u sheegay in wiilka la dilay lagu khaldamay, kadib markii askarta u moodeen inuu wato Bistoolad, hase yeeshee mar danbe la ogaaday inaysan ahayn bistoolad run ah oo ay ahayd mid been ah oo ay ciyaalka ku ciyaaraan.

wiilladilay1

Balse dadka Falastiiniyiinta ah ayaa sheegay in rasaasta wiilkan lagu furay kadib markii uu maqli waayey amarada askarta isra’iil oo u sheegayey inuu joogsado goob isbaaro tiilay, balse wiilkan ayaa la sheegay inuusan dhegaha si fiican wax uga maqal, sidaana ay ku toogatay askariyad kamid ahayd ciidamada Isra’iil.

Wararka qaar ayaa sheegaya in illaa 6 jeer la toogtay wiilkan dhalinyarada ah oo maanta lagu aasay magaalada Hebron.

Horseed Media
News Desk