Baarlamanka Puntland oo su’aalo ka keenay miisaaniyad KMG ah oo maaliyadu geysay – Dhegayso

Wasaarada maaliyada Puntland ayaa maanta horgaysay baarlamanka miisaaniyad KMG ah oo loogu talo-galay in lagu sii shaqeeyo bilaha soo socda, in kastoo xildhibaanadu su’aalo weydiiyeen wasiirka cusub shire xaaji faarax.

Xildhibaanada baarlamanka ayaa wasiirka weydiiyey sababta loo keeni waayey golaha miisaaniyad dhamaystirsan, wasiirka ayaase sheegay in ay taalo miisaaniyadii hore loo dejiyey, balse qorshahoodu yahay inay si dhaqso ah u keenaan miisaaniyad dhamaystirsan.

Advertisements

$3.272.000 kun oo dollar ayaa maaliyadu maanta horgaysay baarlamanka, sida uu saxaafada u sheegay agaasimaha guud ee wasaarada Cabdirisaaq Maxamed Xasan oo cadeeyey inay tahay mid saddexx biloodle ah.

“Duruufo jira awgood ayaa sababay in la samayn waayo miisaaniyadii sanadka 2014.” Ayuu yiri agaasimaha maaliyada.

Docda kale, Baarlamanka ayaa maanta ku dooday in aan si rasmi ah  loo hirgelin miisaaniyadii hore, xildhibaanada ayaa xusay in shaqaale badan oo ka tirsan dowladda aysan mushaarkii helin.

“Mushaarka waa lagu dadaalaya bixintooda hadii alle idmo, bishii janaayo waa la bixiyey sidaas ayaana rajaynaynaa bilaha soo socda.” Agaasimaha guud ee wasaarada maaliyada ayaa intaas ku daray in ay soo bandhigi doonaan miisaaniyad hagaagsan.

         “Agaasimaha wasaarada maaliyada Cabdirisaaq Maxamed Xasan oo saxaafada u waramay

Wasaarada maaliyada Puntland ayaa baarlamanka ka codsatay in ay dhaqan geliso miisaaniyada saddexda bilood ee sanadka ugu horeeya oo ah mid KMG ah lagana soo min guuriyey tii sanadkii hore ee 2013.

Horseed Media

Garoowe

Comments

  1. Khalid says

    Parliamentka hadu yahay parliament jiro oo la hisabtamo dawlada, fadlan ha aqbalin misaaniyadan beenta ah. misaniyada 2013 wuxu ahaa $41 million. meeshan ka firiya http://www.garoweonline.com/artman2/publish/Somalia_27/Somalia_Puntland_Parliament_approves_2013_budget.shtml

    Bisha wa $3.5 million hadi sadex bil loo hisabtamo waa $10 milyan, dawladan waxay si toos ah uu dhacaysa 7 milyan dollar. Talow jeeb shaqsi miyuu ku dhacay lacagtas? mise xarifin bay iska dhigayan oo lacagtas la dhacay bay misaaniyada cusub ku darayan kadibna ay sheeganayan isbadelki wuxuu keenay in misaaniyada 20% uu kordo.

    Waxan la yaaba dadki dawladan taageraye maxay ula amuuseen? maxaa loo cambarayn waaye beentan aan xaduuda lahayn oo lagu soo gaabiye durufo? darufo hadu jiro waa inay sheegan waxay yihin durufaha hadi kale haday sheegi waayeen haka jojjiyan dadka beenta. Waxay yihin dawladi ku faanaysee inay dawladan noqonayso ti ugu transparency fican lakinse xataa durufadi jiro bay sheegi wayeeen, marka cawe transparency?

    Dadka baan uu dhaafaya inay si xaqiiq ah ka fekeran wuxu soo wado dawladan, bilow wanagsan malaha, talow halyayki farole miyaa inoo roona? at least farole bilowgisa wa wanagsana.