Ciidamada Somaliland oo la wareegay degmada Taleex ee gobolka Sool

breakingCiidamada Soomaaliland iyo malayshiyaad taageersan Somaliland oo ka soo jeeda gobolka Sool ayaa goor dhowayd la wareegay magaalada Taleex ee gobolka Sool, kadib markii gelinkii hore ee maanta ay isku fidiyeen deegaano u dhexeeya Xuddun iyo Taleex.

Cismaan Cabdullaahi oo ka tirsan warbaahinta joogana Taleex ayaa Horseed Media u xaqiijiyey in ciidamada Somaliland ay la wareegeen geedka berdaha oo ah halka ay ka dhici jireen shirarka Khaatumo.

Advertisements

Ciidamo tiro badan oo hubaysan ayaa magaalada soo galay, Taleex waxaa ka dhacaysa rasaas ay furayaan ciidamada Soomaliland in kastoo uusan wax dagaal ah ka dhicin degmada,

Shacabka caraysan ayaa ciidamada ka hortegay in kastoo ay rasaaska ku kala cayriyeen.

Wararku waxay sheegayaan in ciidamadii maamulka Khaatumo ay halkaas isaga baxeen.

Maamulka Khaatumo ayaa bilihii lasoo dhaafay sheegayey in magaalada Taleex lagu qaban doono shirweyne lagu magacaabi doono maamul rasmi ah ee Khaatumo.

Horey ayey u jirtay khilaaf xoogan oo soo kala dhexgalay madaxdii sare ee maamulka Khaatumo, waxaana labo kamid ah sadexdii Madaxweyne ee Khaatumo ay hada kamid yihiin Xukuumada cusub ee Puntland.

Madaxweynaha Puntland Prof.Cabdiweli Maxamed Cali Gaas ayaa horey ugu dhawaaqay shirweyne isugu imaan doonaan beelaha wada dhistay Puntland oo ay ku jiraan issimadii wax ka dhisay maamulka Khaatumo, si loo saxo khaladaadkii hore isla markaana looga shaqeeyo dib usoo celinta deegaanada uu la wareegay maamulka Soomaaliland.

Walow qaar kamid ah issimada deegaanada Sool iyo Cayn ay taageereen fikirka Madaxweynaha Puntland ayaa hadana waxaa arrintaasi si weyn uga biyo diiday hogaamiyaha Khaatumo Maxamed Yusuf Indhosheel oo dhawaan booqasho ku tagay magaalada Muqdisho, Indho-sheel oo hada ku sugan Taleex ayaa sheegay in loo baahan yahay dhismo maamul Khaatumo oo dhameystiran kaasi oo leh Baarlamaan iyo Xukuumad.

Horseed Media
Breaking News

Comments

  1. geedi xuudi xaydaani says

    wan idin salamay dhaamman hawl wadeenada ani waxn qabaa inay soomaliland waxy ku haysaa farro kulul xuduudaha puntland waxan leyahy dadka yaan la isku dhufanee ee degamadin ku ekaada

  2. daysane says

    dhulbahante dadka huhaada kadaaya naagihiina iyo caruurtiina na hayskalay nina wax soomaaliland ladhahaa majiraan idinka ayaaa iskusooduulay ,waxaa xusid mudan waxaan meesha ku,arkaa dad.dhahaya xuduudahaa lasoo xirayaaa, 1.xuduuduhu waaxageee 2 yaalaga sooxirayaa 3 yaa sooxiranaya meesha waxa isku haysaa waa dhubahantee ma.ayaga xuduudo kala samaysana

  3. cmc says

    allaahu akbar nin yaqaano ayaa ku dhawaaqa war soomaliyeey idinka ayaa isku xoogsaday idinka ayaa dhiigiinu isu dhadhamayaa yaa allaah ma aragtaan dhibaatada dibada idinka haysato ma aragtaa dhalaankiina ku la anayo saxaraha ma argtaan dalkiina oo si dadban loo dagayo ma aragtaa hareeraha umadaha idinka dagan .waa yaaab in aad indhihiinu wax kale qaban waayey .siilaanyo wuxuu wax ka qaban waayey taladii deegaankiisa waxay soomaliland ku hadaaqaysay 24 sano ku dhawaad waanu go nay aaway hormarkii laga sugayey wataa ilateriya iyaduba 24 sano ayeey xoriyad haysataa maantana waa la arkaa halka ay ka joogaan aduunyada heer ay itoobiya iyo caalamka ka qayliyeen ,war waa maxay qarawgan puntland waa taa 15 jirsatay waxay la joogto lama arko muqdishana waa taa ilaa iyo maanta ay hurayso war waxaad noqoteen hilib bisil oo meel walba yaalo yaa been la isku sheegin dagaalna hada ma ahn mid la sugayo waa ceeb siilaanyo wax badan ayuu ku fashilmay dadkiisa ayuu ku maran habaabinayaa qarashkuu ku bixinayo dagaal waxa laga doonayaa in uu shacabka wax ugu qabto war waa qoom dhal rogmanaya hargaysa waa meel soomaali dadkuna way siman yihiiin ,ee mid iga dhagaysta hadaad sidaan ka dayn waysaa dhulkaa waa lawayni 12 mallion hareeruhuna 130million ka jiraan allaa umaqan dadkeena

  4. yasin cali ahmed says

    Wll marka hore slm marka xigta somaliland wax dhib ah ma wado kaliya xuduudu heeda ayay suganaysaa somaliland waxaa ka go an nabad gelyo wada hadal lkn marnaba wadahadal iyo loolan siyaasadeed ka gali mayso xuduudeheeda iyadaana u xor ah somalilan ha noolaato midnimada somaliland waa muqadis

  5. Yassin says

    horseedmedia ma war dadka kale aan ogeyn bay ogyihiin mise dagaal dhanka saxaafada ah bay Khaatumo kula jiraan. In Taleex Somaliland la wareegtay idinka maahee meel kale laguma hayo laakiin war jiraaba cakaaruu iman.