Dhegayso Warka Xildhibaanka

Xildhibaan Siciid Xassan Shire oo ka mid ah Mudaneyaasha Barlamaanka kasoo jeeda degaanadda Puntland oo kasoo gala gobolka Sanaag ayaa Eedeyn usoo jeediyey Dowladda Fedraalka ee Soomaaliya ee iminka jirta ayna sabab u tahay Iscasilaada uu maanta ku dhawaaqay.

Waxaana uu ku eedeyey in ay ku guuleysan wayday arimo dhowr ah oo ay ka mid tahay Hirgelinta Shareecada Islaamka oo ay hore sheegtay in ay ku talaabsanayso,waxaana u sidoo kale ku eedeyey in ay si sharci darro ah u iibsatay Badda Soomaaliyeed isla markaana dhaliilay heshiiska ay la galeen Dowladda Kenya ee Badda Soomaaliya.

Xildhibaanka ayaa hadalkiisa ku daray in Dowladda aysan wadan Siyaasad cad oo ay ku maamulayso dalka isla markaana masuuliyinta ugu sareysa ay waqtigooda ku dhameyaan Socdaalada dibadda oo ay ku sheegaan in ay howlo shaqo u aadayaan balse u sheegay in aysan ahay kuwa dan u ah Shacabka Soomaaliyeed.

Sidoo kale wuxuu sheegay in Dowladda Fedraalka aysan doonaynin in ay wada hadalo nabadeed la geli rabin dhinacyada kasoo horjeeda oo ay dagaal kula jirto ee Mucaaradka.

Siciid Xassan Shire ayaa ugu dambeynti sheegay in maanta ka dib uu yahay Muwaadin Reer Puntland ah isla markaana ay macquul tahay in uu jago ka qabto Dowladda Puntland.Xildhibaankan xilalka uu kasoo qabtay Dowladdihi ka dambeeyey burburka Soomaaliyeed ayaa ka mid ahaa;

Wasiirka Wasaaradda dib u dhiska iyo dib u dejinta(Dowladdi hore ee Madaxweyne C/laahi Yuusuf Axmed)

Wasiir Kuxigeenka Horumarinta Reer Miyiga(Dowladdi hore ee Madaxweyne C/laahi Yuusuf Axmed)

Waxaana uusan wax jago ah kasoo qaban Dowladda Sheikh Shariif balse uu keliya ahaa mid ka mid ah Mudaneyaasha Barlamaanka.

Talaabadan ayaa imaanaysa xilli mudo ka yar labo bilood ka hor Xildhibaan Saalax Badbaado oo ka mid ahaa Mudaneyaasha Barlamaanka Dowladda Ferdaalka uu ku dhawaaqay in uu iska casilay xilkiisa,waxaana ay sidoo kale kusoo beegmaysa xilli Xildhibaano ka tirsan Barlamaanka DFKM kana soo jeeda degaanada Puntland ay ku suganyihin magaaladda Garoowe ee caasimadda Puntland.

Yuusuf Cali Maxamed(Sonna)
Horseed Media
Bosaaso,Puntland

Dhegayso waraysiga Xildhibaan Boqorre

Gudoomiye ku xigeenka labaad ee baarlamaanka Federaalka Soomaaliya ayaa deedafeeyay socdaal maanta uu Gudoomiyaha baarlamaanku ugu baxay dibadda, waxaana uu sheegay in safarkaas aanu ka siin guddoonka wax tafaasiil ah. Boqorre ayaa sheegay in aysan jirin wax wada shaqeyn ah iyo kalsooniba aysan jirin.

Gudoomiye ku xigeenka ayaa sheegay in khilaaf muddo dheer soo jirey uu u dhexeeyay isaga iyo Gudoomiyaha waxaana uu sheegay in wadatashi la’aan uu yahay khilaafku, safaro aysan ogeyn xildhibaanado iyo guddoonka baarlamaankuba oo aan ka mid ahayna uu ku talaabsado.

Kor ka dhegayso waratysiga XIldhibaanka

Maxamuud Cabdi Ibraahim
Horseed Media

1. Xassan Abshir Faarax
2. Cabdullaahi Bille Nuur
3. Cali Ismaaciil Cabdi Giir
4. Xareed Xassan Cali
5. Cali Maxamuud Xirsi
6. Cabdiladiif Muuse Nuur
7. Da’ud Cabdikariim
8. Axmed Saakin
9. Deeqa Col u joog

Dhegayso Waraysiga Xildhibaan Xassan Abshir Faarax

Xildhibaanada ayaa soo gaarey deegaanada Puntland 5.03.2010, kadib waxa ay guda galeen shir ay la qaateen Xukuumadda Puntland oo ay u horeeyaan Madaxweynaha iyo kuxigeenkiisa.

Xildhibaanada ayaa sheegay in ay doonayaan in ay isfaham dhexdhigaan Dawladda Puntland iyo Federaalka oo mugdi uu ku dhexjirey muddooyinkii la soo dhaafey. Xildhibaan Xassan Abshir Farax ayaa sheegay in hawsha ay hayaan ay tahay mid ay la ogyihiin Guddoonka sare ee Baarlamaanka iyaguna soo direen, sidoo kale waxa uu sheegay in arintan ay ogyihiin beesha caalamka eetaageerta Soomaaliya waana arin la soo dhaweeyay. Hadalkan ayaa meesha ka saaraya war dhawaan ka soo baxay mid kamid ah shirguddoonka Baarlamaanka kaas oo sheegay in Guddoonka Baarlamaanku aanu la socon safarka Xildhibaanadaas iyo shaqada ay u tageen Puntland. Xildhibaan Xassan Abshir ayaa sheegay in ay meel wanaagsan u maraayo hawsha ay u yimaadeen.

Xildhibaanka ayaa daaha ka qaadey in warqad ka timid Madaxda Sare ee Federaalka ay wadeen taasna ay u gudbiyeen Madaxweynaha Puntland, waxaa uu sheegay in warxuma tashiil ay ka dhexshaqeeyeen Puntland iyo Federaalka.

Dhegayso Xildhibaan Xareed Xassan Cali

Xildhibaan Xareed Xassan Cali oo ah afhayeenka xildhibaanada Federaalka ee ku sugan Garoowe ayaa sidoo kale Horseed Media uga waramay shaqada ay u yimaadeen Garoowe, waxaana uu sheegay, in mugdiga la dhexdhigay Federaalka iyo Puntland ay xalinayaan, Puntland la ‘aanteed Federaalku ma jiraayo, sababtoo ah qolona sharciyadii ayey haystaan halka Puntland ay haysato dhulkii iyo dadkii, marka waa isu baahan yihiin waana laf dhabartii Federaalka, ayuu yiri xildhibaan Xareed.

Maxamuud Cabdi Ibraahim
Horseed Media
Bosaso, Puntland

Waxaa sii xoogeysanaya wararka kasoo baxaya dalalka Maraykanka, Itoobiya iyo Kenya ee ku aadan dadaalada ay Dowladahaasi wadaan oo ay ku doonayaan in ay gacan militari kusiiyaan Dowlada Federaalka Soomaaliya inay dhawaan duulaan militari kula wareegto gacan ku heynta gobalada Koonfureed ee dalka Soomaaliya.

Jaraa’idka Maraykanka iyo Kenya oo wax ka qoray abaabulka socda

Jariirada kasoo baxda dalka Kenya ee Daily Nation ayaa ayadoo xog kasoo xiganeysa xubno kamid ah Dowlada Kenya sheegtay in dhawaan dalka Soomaaliya la geyn doono 2,400 oo askari oo ah dhalinyaro Soomaaliyeed oo bilihii lasoo dhaafay tababaro militari lagu siinayey xerada Manyani Kenya Wildlife Service ee ku taal gobalka xeebta saaran ee dalkaasi Kenya.

Jariirada Daily Nation ayaa sheegtay in ciidamadan u badan yihiin beesha Ogadeen ee degta gobalka Waqooyi Bari ee dalkaasi Kenya iyo koonfurta Soomaaliya, ciidamadan ayay sheegtay in la doonayo inay xarumo ka sameystaan gobalada Jubooyinka ee dalka Soomaaliya.

Sidoo kale dhanka Itoobiya waxaa ka socda abaabul kaas lamid ah oo ay Ciidamo kasoo jeeda gobalada Gedo, Bay iyo Bakool oo halkaasi tababaro loogu fidiyey lagu wadaa inay xadka Itoobiya kasoo tilaabaan si ay ulla wareegaan gobalada Galbeedka dalka Soomaaliya.

Taageerada Maraykanka
Jariirada New York Times ee kasoo baxda dalka Maraykanka ayaa sheegtay in Ciidamada Maraykanka ay gacan kasiin doonaan dowlada Soomaaliya qorshaheeda militari.

New York Times ayaa todobaadkan qortay in Diyaaradaha Maraykanka ee wax basaasa ay bilihii lasoo dhaafay wadeen xog aruurin ku aadan fariisimaha maleeshiyooyinka Islaamiyiinta ah ee ku sugan gobalada Koonfureed ee dalka Soomaaliya.

Jariirada ayaa sidoo kale qortay in Saraakiil Maraykan ah ay tababaro siiyeen xubno ka socda sirdoonka Dowlada Federaalka Soomaaliya.

New York Times oo soo xignaysa xubno ka tirsan Xukuumada Maraykanka ayaa sheegtay in hay’adaha gar gaarka ee hoostaga dalka Maraykanka lagu wado inay deeq cunto iyo daawooyin gaarsiiyaan gobalada koonfureed ee Soomaaliya marka ay halkaasi la wareegaan ciidamada DFKMG, si shacabka ay kalsooni usiiyaan dowlada Soomaaliya.

Dhanka kale Wariyaha Horseed Media ee magaalada Beledxaawo ayaa kusoo waramaya in shacabka magaaladaasi ay walaac weyn ka muujinayaan duulaanka la sheegay in dhawaan deegaanadaas ay kusoo qaadi doonaan xoogaga taageersan DFKMG Soomaaliya, dagaal halkaas ka dhaca ayey shacabka sheegeen inuu khasaare horleh gaarsiin doono dadka rayidka ah.

Kenya iyo Qorshaha militari
Dowlada Kenya ayaa ayadu hada uu muuqata inay go’aansatay in ay si toos ah uga qeyb qaadato gacan siinta Dowlada Soomaaliya dhinaca militari, ayadoo horey Wasiirka Arrimaha Dibada ee Kenya Mr.Mosses Watangula uu shirkii Midowga Afrika ka sheegay in Dowlada Kenya aysan gacmaha kasii laaban doonin xaalada dalka Soomaaliya oo uu sheegay inay saameyn ku yeelan karto xasiloonida dalkooda.

Ciidamada lagu aruuriyey dalka Kenya oo bilihii lasoo dhaafay halkaasi tababarka lagu siinayey ayaa la sheegay inay ay dowlada Kenya dooneyso inay noqdaan kuwo la dhex dhigo gobalada Koonfureed ee Soomaaliya ee saaran xaduuda Kenya iyo Soomaaliya si aysan halkaasi uga soo tilaabin xoogaga Islaamiyiinta ah ee Al Shabaab.

Itoobiya iyo Maleeshiyooyinka ku sugan
Dowlada Itoobiya oo ayadu hada kahor faro gelin militari ku sameysay dalka Soomaaliya, ayaa xiligan si weyn ugu mashquulsan sidii ay u dhisi lahayd awooda ciidamo kasoo jeeda gobalada Gedo, Bay iyo Bakool oo dalkeeda kusugan muddo sanad ka badan, ciidamadaasi oo hada kahor dhaq dhaqaaqyo ka sameeyey koonfurta Soomaaliya, walow aysan ku guuleysan inay la wareegaan sadexdaas gobal ee furaha u ah galbeedka Soomaaliya.

Ciidamadan ayaa lagu wadaa inay kaalin weyn ka qaataan abaabulka ay dowlada Soomaaliya ku dooneyso inay ku hanato gacan ku heynta gobalada Koonfureed.

Shariif Xassan Shiikh Aadan oo ah Wasiirka Maaliyada iyo Raysalwasaare kuxigeenka ayaa horey dowlada Itoobiya codsi rasmi ah uu ugu diray uga codsaday in ciidamada Dowlada Itoobiya ay gacan toos ah ka geysato qabashada gobalada Gedo, Bay iyo Bakool.

Macada in codsigaasi ay Dowlada Itoobiya ka jawaabi doonto ama inay adeegsan doonto maleeshiyooyinka tababarka uga socday degmada Doolow.

Ahlu Sunna Waljamaaca
Dowlada Soomaaliya ayaa sidoo kale wadahadalo magaalada Addis Ababa kula gashay xoogaga Ahlu Sunna Waljamaaca wafuud ka socda, kuwaasi oo ay kala hadashay sida ay isaga kaashan karaan dagaal ka dhan ah kooxaha mucaaridka dowlada ku ah ee Al Shabaab iyo Xisbul Islaam.

Shirkaasi muddada todobaadka ka badan ka socda Addis Ababa ayaa waxaa kasoo baxay qodobada ugu muhiimsan in Wasiiro kala gedisan Dowlada laga siiyo Ahlu Sunna Waljamaaca. Inkastoo aan heshiiskan lagu soo qaadin arrimaha militari ee iska kaashan doonaan labada dhinac, ayaa waxaa hadana lagu sheegay in heshiiskaasi haduu hirgalo ay Ahlu Sunna Qeyb ka noqoneyso Dowlada Soomaaliya.

Hadii heshiiskaasi uu hirgalo waxay u suurto gelineysaa in Dowlada Soomaaliya ay gacan ka hesho kooxda Ahlu Sunna Waljamaaca oo ayagu awood kuleh gobalada dhexe ee dalka Soomaaliya.

Beesha Caalamka
Wadamada reer Galbeedka ee ayagu sida weyn u taageera Dowlada Soomaaliya, ayaa xiligan la sheegay in ay doonayaan inay arkaan tilaabo militari oo ay qaado Dowlada Soomaaliya, ayagoo u balan qaaday DFKMG inay dhaqaale ku siin doonaan sidii ay u dhisan lahayd ciidamadeeda, isla markaana ulla wareegi lahayd gacan ku heynta Koonfurta Soomaaliya.

Wadamada Reer Galbeedka ayaa ku dhiiri geliyey Wadamada Jaarka la ah Soomaaliya inay gacan militari iyo mid farsamo siiyaan Dowlada Soomaaliya, balse uga digay Wadamada Itoobiya iyo Kenya inay si toos ah ayagu dagaalada u galaan.

Wadamada reer Galbeedka ayaa sheegay in loo baahan yahay xiligan in Soomaalidu ay noqdaan kuwa gacanta ku dhiga amniga dalkooda, xiligana lagu tijaabin doono Dowlada Soomaaliya ee fadhigeedu uu yahay Muqdisho sida ay uga faa’iideysto taageerada siyaasadeed, dhaqaale iyo farsamo oo ay ka helayaan wadamada Beesha Caalamka iyo dalalka Jaarka la ah Soomaaliya.

Waxaanse la ogeyn in xoogaga lagu wado inay isbaheystaan ee Dowlada Federaalka, Maleeshiyooyinka lagu aruurinayo Kenya iyo Itoobiya iyo waliba dhaq dhaqaaqa Ahlu Sunna Waljamaaca, inay ka itaal roonaan doonaan kooxaha Al Shabaab iyo Xisbul Islaam ee ayagu gacanta ku haya qeybo badan oo kamid ah koonfurta Soomaaliya.

Ahmed Musse
Horseed Media

Mussa, chief editor with Horseed, a Somali media organisation which operates from the Netherlands, Finland and Somalia, is especially concerned with the impact the ban might have on internally displaced Somalis (IDPs) living in the south. “They solely depend on the food they get from international organisations, and WFP is the main distributor. But with al-Shabaab controlling most of southern Somalia and the federal government having zero military muscle, access hasn’t exactly been easy in the past months.”

Al-Shabaab claim ‘ridiculous’
The United Nations says nearly four million people, about half the country’s population, need emergency food aid. Yet al-Shabaab argues that the large-scale food distribution was disadvantaging local farmers. A ‘ridiculous claim’, rejects Mussa. “Local farmers don’t have the capacity to provide enough food. Even if WFP bought all their food from local farmers, it wouldn’t be sufficient. At times even local farmers need food from abroad to get by.”

Nobody really understands what al-Shabaab wants to achieve by kicking out WFP. “It’s not a logical thing to do,” agrees Mussa. “But then again, al-Shabaab is a very radical organisation and they’ve been targeting the UN for a while now. They don’t see the UN as a humanitarian organisation, but as a foreign force that supports the federal government in Mogadishu and interferes with al-Shabaab’s ideology for Somalia.

For Ernst Jan Hogendoorn, Horn of Africa Project Director of the International Crisis Group, “the debate revolves around money. WFP is perhaps being punished for refusing to pay the twenty to thirty thousand dollars ‘tax’ that al-Shabaab is trying to impose on UN agencies and NGOs.”

Fearful obedience
Al-Shabaab has instructed all Somalis to stop working with or for WFP. Mussa reckons that most Somalis will follow this order, but not voluntarily. “If you protest against al-Shabaab, you risk being classified as a spy. Al-Shabaab has in the past executed several people in southern Somalia who were working for western organisations. There’s a lot of fear on the ground, which makes it difficult to know exactly how much popular support al-Shabaab can count on.”

Al-shabaab ‘losing support’
And this, in the longer term, may backfire on al-Shabaab, is Mussa’s educated guess. “There were already allegations that WFP rations meant for IDPs were sold on the local market, with the money going straight into the pockets of groups like al-Shabaab. I believe they might lose more support now that they’ve banned WFP altogether. Don’t forget that this is not just a political, but also a humanitarian issue. Millions of people are facing famine.”

Dhegayso Khudbadda Muuse Geele

Ugu horeyntii ayaa waxaa munaasabadda ka hadley Gudoomiyaha xilka baneeyay ee Xaaji Muuse Geelle Yusuf (Faroole), waxaana uu ugu horeyntii mahad u celiyey dhamaan dadkii la shaqeeyay, waxaana uu mahad iyo duco u jeediyey Gudoomiayaha Xilka la wareegayey ee Shiikh Cabdixaafid Cali Yusuf.

Mudane Muuse Geelle Yusuf ayaa soo sameeyay buug uu kaga hadlaayo waxqabadkiisi, waxaana uu sheegay in aysan suurtagal ahayn in buuga uu wada akhriyo laakiin uu siinaayo dhamaan dadka xiiseynaaya, waxaana uu sheegay in uu la shaqeynaayo Gudoomiyaha cusub.

Waxaa isaguna halkaas khudbad qiimi badan ka jeediyey Shiikh Cabdixaafid Cali Yusuf Gudoomiyaha cusub ee xilka la wareegay, waxa uu ka sheekeeyay, in waxa uu la wareegaayo ay tahay amaano, ayna tahay mid aad u culus, waxa uu ka sheekeeyay dareenkiisa isaga oo sheegay waxa uu dareemaayo in ay tahay cabsi iyo rajo, cabsi aan ka cabsanaayo ayuu yiri gudoomiyuhu in aan xilka gudan waayo iyo rajo aan ka qabo in aan horseedi doono barwaaqo iyo badhaadhe rabbi sabab iiga dhigo.

Gudoomiayaha cusub ayaa ka hadlay himilooyinkiisa waxqabad isaga oo ku soo koobay qodobo dhawr ah:

“Waxaan ka codsanayaa bulshada Gobolka Bari in aad ii hogaanstaan oo i adeecdaan inta aan samaha iyo wanaaga aan ka shaqeynaayo”

Cabdixaafid Cali Yusuf Gudoomiyaha Gobolka Bari.

Amniga

Mudane Cabdixaafid ayaa sheegay in uu ka shaqeynaayo waxna ka qabanaayo amniga Gobolka, siiba nabad kuwada noolaanshaha umadda ku dhaqan gobolka, waxaana uu sheegay in uu ku dedaalaayo sidii uu u abuuri lahaa walaalnimo, taas oo horseedi karta midnimo iyo wada noolaansho.

Cabdixaafid ayaa sheegay in khilaafyada ka jira gobolka Bari xalintooda uu u mari doono wada hadal iyo sulux iyada oo gundhig looga dhigaayo shareecada Islaamka.

Taabo gelinta maamul wanaagsan

Gudoomiayaha ayaa sheegay in uu wax ka badali doono maamulka, isaga oo balan qaadey in, maamul tayo leh uu samaynaayo kuwaas oo karti u leh maamulka.

Hormarinta Gobolka

Dhegayso Khubadii Gudoomiyaha Gobolka Bari Cabdixaafid Cali Yusuf

Gudoomiyaha ayaa ka hadley in uu ka shaqeynaayo sidii loo hormarin lahaa Gobolka Bari, siiba kaabayaasha dhaqaalaha, sidoo kale waxa uu sheegay in uu hormarin siinaayo arimaha bulshada sida waxbarashada, caafimaadka, daryeelka dadka tabaaleysan, ha noqdeen kuwo barakac ku yimid gobolka ama horey u deganaa, waxaana uu gudoomiyuhu saldhig uga dhigey hormarkaas wada shaqeynta dhexmarta dawladda dhexe iyo gobolada.

Ugu danbeyntii Gudoomiayaha Gobolka Bari ayaa ka codsadey bulshada Gobolka Bari in ay la shaqeeyaan, inta uu wanaaga iyo samaha ka shaqeynaayo, waxa uu ka codsadey in ay toosiyaan marka uu qaldamo, waayo hogaanka in la adeecaa waa waajib inta aanu macsi ku amrin, waxaana uu balan qaadey in aan loogu imaan doonin eex, qayb, qolo qolo, iyo in uu noqdo nin koox gaar ah ku xiran.

Munaasabadda xilwareejinta ayaa waxaa sidoo kale ka hadley Wasiirka Amniga Puntland Gen.Yusuf Axmed Kheyr, waxaana uu ku dheeraadey sidii amniga looga shaqeyn lahaa isla markaasna maamulka iyo shacabku uu u noqon lahaa laba gacmood oo wada shaqeysa.

25.Feberaayo ee la soo dhaafey ayaa madaxweynaha Puntland wareegto ku magacaabey Gudoomiayaha cusub ee maanta xilka la wareegay Cabdixaafid Cali Yusuf, arintan ayaa madaxweynuhu ku sheegay in ay ka mid tahay isbedel uu wadey muddooyinkii la soo dhaafey.

Cabdisalaam Axmed Shire
Horseed Media
Bosaso, Puntland

Xafladda xil wareejinta ayaa waxaa ka soo qaybgalay Wasiirka Amniga, Taliyekuxigeenka Booliska Puntland,  Gudoomiyaha Gobolka Bari, Gudoomiyihii hore ee gobolka ´bari, wasiirku xigeenka maaliyada iyo marti sharaf kale

“Waxaan kamid ahaa asaasayaashii ururkii isbedel doonka Puntland, raali ayaana ku ahay in aniga isbedelkii maanta i saameeyay” Eng. Cabdirisaaq Xaaji Xuseen

Ugu horeyntii waxaa halkaas ka hadley wasiirkii hore Mudane Cabdirisaaq Xaaji Xusseen, waxaana uu ka hadley mudadii 14 bilood ahayd ee xilka hayey wixii uu ka qabtey wasaaradda iyo shaqooyinkii bartanka u maraayey ee uu kala dardaarmaayey wasiirka cusub in uu dhamaystiro.

Mudane Cabdirisaaq ayaa caddeeyay in uu wax badan ka qabtey dekadda taas oo sababtey in ay kororto daklhliga dekadda, dayactir uu ku sameeyay dekadda mudadii uu joogey, isaga oo la kaalmeysanaaya ganacsatada.

Wasiirka ayaa ka sheekeeyay heerarka dekaddu soo martey ayna ka mid tahay 4tii dekadood ee laga dhexlay dawladdii hore isla markasana ay tahay midda ugu yar isla markaana ugu shaqada badneyd mudadii 20 sano ahayd ee la soo dhaafey.

Dhegayso Xilwareejinta Wasaaradda Dekadaha:

Wasiirkii hore ayaa ka sheekeeyay heshiisyo cusub ee ay galeen,kuwaas oo shaqo ka bilaabaya bisha sadexaad, waxaana uu arintaas mahadeeda u tiiriyey Madaxweynaha Puntland oo dedaal dheeraad ah sameeyay, shirkadda aan heshiiska la galney waxa ay wax ka qabanaysaa dekadda.

Mudadii 14 bilood ahayd ee aan meesha joogney waxaa ku gubtey dekadda laba doonyood, waxa aan ka shaqeyney sidii qalab dabdemis loo heli lahaa arintaasna heer wanaagsan ayey maraysaa, inta qalabku ka imaanaayo waxa aan samayney talaabooyin aan uga hortagi karno in dab dhasho.

Ugu danbeyntii wasiirkii hore ayaa mahad u celiyey jaalayaashii la shaqeynaayey kuwaas oo aysan suurta gal ahayn ayuu yiri la’aantood in aan waxqabano.

Wasiirka ayaa soo dhaweeyay xilkaqaadistii lagu sameeyay, waxaana uu tilmaamey in ay tahay xaq dastuuri ah oo madaxweynuhu xaq u lee yahay, “…waxa aan kamid ahaa ayuu yiri asaasayaashii isbedeldoonka sanadkii 2008, waxaana soo dhaweynayaa in ay aniga i saameyso isbedelka Puntland, waxaana uu ku baaqey in laga wada shaqeeyo amniga Puntland iyo hormarinteeda, isaga oo baaq u direy dhamaan shaqaalaha wasaraddu in ay la shaqeeyaan wasiirka cusub.

Wasiirka cusub ee dekadaha iyo gadiidka badda Siciid Maxamed Raage

Wasiirka Cusub ee xilka la wareegay, Siciid Maxamed Raage ayaa isaguna halkaas ka hadley waxa uu sheegay in uu goobta iyo wasaaradda si fiican u garanaayo isla markaasna uu wasiir ka ahaan jirey iyada oo inta ka balaaran, wasiirka ayaa balan qaadey in uu halkaas ka anbaqaadi doono, isaga oo mahad gaar ah u celiyey wasiirkii hore oo uu tilmaamey in uu yahay saaxiibkiisi gaar ah.

Dekadda Bosaso ayaa ah isha ugu weyn e dhaqaaluhu ka soo galo deegaanada Puntland iyo meelo ka baxsan, dekadda ayaa u baahan dayactir dhinacyo badan leh, maadaama qaybo kamid ah uu soo buuxdhaafiyey bacaad, waxaana adag in ay ku soo xirtaan maraakiibta waaweyn, sidoo kale dekadda ayaan lahayn weli dabdemis u gaar ah, waxaana dhawaan ku gubtey laba doonyood oo xamuul sidey.

Waxaa ayaamahan ka socdey deeganada Dawladda Puntland masuuliyiin xilka la kala wareegaaya, kadib markii madaxweynaha Puntland uu sameeyay isku shaandheyn xukuumadda dhexdeeda ah.

Cabdisalaam Axmed Shire
Horseed Media

Dhegayso Waraysiga Cismaan Buux

Ugu horayntii gudoomiyaha degmadda Qardho Cismaan Buux Cali ayaa ka waramay arrimaha la xiriira doorashadda golaha deegaanka, maadaama kuwii hore wakhtigoodi dhamaaday, wuxuuna gudoomiyuhu ku nuuxnuuxsaday in doorashadda wakhtigeeda loo iclaamiyay bilowga bisha April ee fooda inagu soo haysa.

Mudane. Buux ayaa sheegay in beelaha dega magaaladda Qardho soo xulan doonaan xubnaha u badali doona golihi hore ee deegaanka iyo hadi ay cid cusub keensanayaan booska golaha cusub ee la soo dooran doono.

Sidoo kale gudoomiyaha degmadda Qardho Cismaan Buux cali ayaa ka waramay arrimo la xiriira buug cusub oo ay leedahay Dowladda hoose ee degmadda Qardho iyo xaalada amaanka ee degmadda Qardho.

C/rashiid Maxamed Daahir
Wakiilka Horseed-Media
Qardho-Karkaar

Dhegayso waraysiga Wasiirka Dr.Cabdi Xassan Jimcaale

Wasiirka Dastuurka iyo Federaalka ee Puntland Cabdi Xassan Jimcaale oo wareysi siiyey Horseed Media ayaa sheegay in Shirkaas ay soo qaban qaabisay Hay’adda Qaramada Midoobay ee u qaabilsan horumarinta ee marka magacooda loo soo gaabiyo ee UNDP,ayadoo ay sidoo kale goobjoog ka ahaayeen Deeq bixiyeyaasha.

Waxaana Dowladda Puntland uga qaybgalay oo hogaaminaayay Wasiirka Dastuurka iyo Federaalka Dr.Cabdi Xassan Jimcaale iyo Wasiirka Degaanka iyo duurjoogta C/qani Yuusuf Cadde.

Wasiirka ayaa sheegay in Shirka uu ahaa mid looga hadlaayay waxyaabaha u qabsoomay Xukuumadda Puntland mudadii sanadka ahayd ee la soo dhaafey iyo Caqabadaha horyaala oo aysan ka talaabsan oo Deeq Bixiyeyaasha looga baahanyahay in ay gacan ka geystaan.

Waxaana uu sheegay in ay u bandhigeen warbixin dheer oo ku aadan Maamul wanaaga,Sharciga iyo Nolosha ee ka jirta degaanadda Puntland, iyadoo sidoo kale uu ka warbixiyey arimaha Dimooqradiyada oo ay Wasaaradiisa ku howlantahay iminka.

Kulanka ayaa sidoo kale ahaa mid loogu soo hadal qaaday xaaladda Abaareed ee ka taagan qeybo ka mid ah goboladda Puntland oo saamayn ku yeeshay dadka iyo duunyada,iyadoo ay ku baaqeen Deeq Bixiyeyaasha looga baahanyahay in ay wax ka qabtaan oo Gargaar Bin’aadanimo gaarsiiyaan dadka.

Gaba gabada kulanka ayaa waxaa uu Wasiirku sheegay in ay isku afgarteen wada shaqayn dhan weliba oo ay yeeshaan isla markaana ay Dowladda Puntland gacan ka siiyaan sidii ay uga bixi lahayd caqabadaha hortaagan.

Horseed Media

Kuxigeenki Duqi magaaladda Bosaaso C/qaadir Maxamuud Aadan “Jicif” oo maanta soo booqday Xarunta Horseed Media ee Bosaaso ayaa sheegay in ay ku faraxsanyihin oo ay soo dhowaynayaan talaabadaas.

Dhegayso codka Gudoomiye ku xigeenkii hore ee Bosaso Cabdulqaadir Maxamuud Adam

Waxaana uu mahadcelin balaaran usoo jeediyey masuuliyinta cusub ee loo kala magacaabay Gudoomiyaha gobolka Bari iyo Duqa magaaladda Bosaaso isla markaana uga hambalyey xilka loo magacaabay.

”Waan soo dhowaynaaya dikreetada Madaxweynaha,waan ku kalsoonahay oo waan ku faraxsanahay.waxaana diyaar u nahay in aan la shaqayno maamulka cusub iyo weliba Dowladda Puntland”,ayuu yiri isagoo ku hadlaayay magaca Duqi hore iyo Golaha degaanka Bosaaso.

Sidoo kale waxaa uu sheegay inta maamulki hore ee magaaladda Bosaaso jiray ay ku talaabsadeen horumar aad u balaaran oo la taaban karo kuwaas oo u sheegay in ay ka mid yihin adeegyada Bulshada.

Shalay ayay ahayd marki Gudoomiyihi hore ee gobolka Bari Al-Xaaji Muuse Geele Yuusuf uu isna sidaan oo kale usoo dhoweeyey xilka qaadista lagu sameeyey isla markaana sheegay in uu la shaqaynaayo maamulka cusub.

Horseed Media

Dhegayso waraysiga Gudoomiyaha Gobolka Bari Cabdulxaafid Cali Yusuf

Isagoo wareysi siinaayay maanta Barnaamijka Xog-Ogaal ee duhur weliba ka baxa Warbaahinta Horseed Media ayuu sheegay in maamulkiisa ay ku talaabsan doonaan waxqabad balaaran.

”…..Insha’allah waxaan rajaynaaya aniga iyo maamulkayga in aan ku talaabsano waxqabadka,marka ugu horeysana waxaan ku dadaalayna in aan kalsooni iyo walaaltinimo ka helno dadweynaha…..”,ayuu yiri.

Gudoomiyaha oo ku sugan Magaaladda Garoowe ee caasimada Puntland ayaa xusay in uu kulamo la qaadanaayo masuuliyinta ugu sareysa Puntland isla markaana uu kala hadlaayo arimo fara badan oo khuseeya gobolka,markuu soo dhamaado kulankaas lagu wado in usoo gaaro magaaladda Bosaaso ee xarunta gobolka Bari.

Waxaana uu sidoo kale sheegay in maamulkiisa uu ku dadaali doono sidii u horumarin lahaa adeegyada Bulshada sida Caafimaadka iyo Waxbarashada,ayadoo aysan ka marnayn wax ka qabashada xaaladdaha Amni oo mudooyinki lasoo dhaafay ay falal amaan daro ka jireen magaaladda Bosaaso.

Ugu dambeynti waxaa uu ugu baaqay Shacabka ku nool magaaladda Bosaaso in ay gacan siiyaan maamulkiisa loogana baahanyahay in ay la shaqeeyaan.

Horseed Media

Hooyo lagu magacaabo Xaliimo Cismaan Mire ayaa warbaahinta Horseed Media u sheegtay in gabadh yar oo ay dhashey laga soo xaday degmada Bandar Bayla ee Gobolka Karkaar, Hooyada ayaa sheegtay in gabadhan ay soo xaday qof haween ah oo u dhalatay dalka Itoobiya, waxaana lagu qabtey Magaalada Burco ee Gobolka Togdheer.

Hooyo Xaliimo ayaa sheegtay in dadka gacanta ku haya gabadheeda ay u xaglinayaan islaanta soo xaday, isla markaasna ay doonayaan in ay siiyaan gabadheeda tuuganimada halkaas lagu geeyay.

Dhegayso Hooyada dhibanaha ah oo warfidiyeenka u waramaysa

Hooyo Xaliimo Cismaan  ayaa ugu baaqdey Shacabka iyo waxgaradka reer Burco in ay arintaas u istaagaan isla markaana ay wax la qabtaan,  Waxa ay sheegtay in ay gabadhan ay gacanta ku haystaan Jaamac Cabdullaahi, Adan Cali Ducaale iyo Aasiya Maxamed Cali.

Weriyaha Horseed Media Maxamed Siciid ayaa weydiiyey in Hooyo Xaliimo ay gaartey goobta gabadha lagu haysto, waxay sheegtay in dhib weyn ka gaartey maamulka Somaliland, ay ku sheegeen burcadbadeed, isla markaasna ay dooneyso caruur aysan dhalin, Hooyo Xaliimo ayaa sheegtay in gabadheedu ay ka maqan tahay muddo sanad iyo bil ah, ayna ugu wardanbeysey sanadkii 2008 bishii 12aad.

Hooyo Xaliimo ayaa shaki ka muujisey qaabka maamulka Somaliland ula shaqeynaayo haweeneyda Itoobiyaanka ah, waxaana hadalkeeda ka muuqdey tiiraanyo, Hooyo Xaliimo ayaa ugu baaqdey maamulka Puntland in ay arintan u istaagaan oo wax la qabtaan.

Gabadh kale oo Qardho laga xaday

Dhanka kale waxaa Taliye kuxigeenka ciidanka Booliska Somaliland isla markaana ah kusimaha xilka Taliyaha, Maxamed Shiil sheegay in ay qabteen gabadh 13 jir ah taas oo si qaldan loo soo kaxeystey, Taliyaha ayaa sheegay in gabadha laga soo kaxeeyay magaalada Qardho, waxaana loo sheegay in shaqo fiican laga siinaayo Hargeysa.

Taliyaha ayaa warbaahinta u sheegay in gabadhan loo waday nin dhalashadiisu tahay Ruush muddooyinkii danbana ku noolaa dalka Sirilanka, waxaana la doonaayey ayuu yiri in dalka laga saaro.

Maxamed Shiil ayaa sheegay in gabadha yar magaceedu yahay Caasha Maxamuud Xassan, waxaana uu cadeeyay in gabadha yar si khiyaamo ah loo soo kaxeeyay, baaritaan boolisku sameeyayna ay ku ogaadeen in gabadha yar la soo xaday, lana doonaayey in wadamo kale loo dawiyo.

Shiil ayaa sheegay in ay la xiriireen hooyadii dhashey ayna safar ku soo tahay Hargeysa si ay u kaxaysato gabadheeda, waxaana uu tilmaamey in kooxda soo kaxaysatey ay ahaayeen maafiyo caruurta ka ganacsada. Taliyaha ayaa ugu baaqey shacabka Somaliland in ay ildheer u lahaadaan caruurtooda, maadaama ay jiraan ayuu yiri kooxo xadaya caruurta uu dalka Soo galay.

Caruurta la xado ayaa aalaaba waxaa ka faa’ideysta dad xaga maskaxda ka jiran kuwaas oo caan ku ah waxa loo yaqaan Pedofile-ka ama caruurta galmada kufsiga ah loo geysto, waxaana sidoo kale loo isticmaalaa adoonsi ama in ay ka shaqeeyaan goobaha dhileysiga.

Maamulka Puntland ayaan wax war ah ka soo saarin labada dhacdo ee muujinaaya sida loogu soo dhigtey caruurta Puntland ku dhaqan.

Si kastaba ha ahaatee shacabka Puntland ayaa laga doonayaa in ay muujiyaan feejignaan dheeraad ah oo ku aadan caruurtooda, sidoo kale baraha kontoroolada Puntland ayaa noqon kara meelaha lagu hakin karo kooxdan maafiyada ah ee caruurta ka ganacsanaysa.

Maxamed Siciid Yusuf
Wakiilka Horseed Media ee Garoowe

Waxaa magaalada London lagu qabtay xaflad si weyn oo heer sare ah loo soo agaasimay taasoo looga gol lahaa in lagu furdaamiyo xaalada Lamaane British ah oo oo muddo 4 bilood ah afduub loogu heystey degmada Xarardheere ee dalka Soomaaliya.

Dadweyne gaaraya ilaa 800boqol oo qof, fanaaniin, suxufiyiin caalami ah, ayaa xafladan ka soo qaybgalay, dadku waxay ruxayeen boorar ay ku qoran yihiin ha la sii daayo Paul Chandler iyo afadiisa Rachel.

Dadkii kulan weynahan ka hadlay waxay dhamaantood isku raaceen sida ay uga xun yihiin in qoyskan howlgabka ah ay u qafaalan yihiin dableyda Somalida ah, iyadoo waliba xaaladooda caafimaad aad looga dayrinayo.

Dhegayso Wareysiyo la xariira Xafladan (Barnaamijka Socdaalka Dunida)

Dhamaan jaaliyada Somaliyeed waxay muujiyeen taageerada ay siinayaan iyo isgarabtaaga lamaanahan eheladooda, waxayna balan qaadeen inaysan seexan doonin ilaa iyo inta ay dib u heli doonaan xoriyadooda.

Maalmihii u danbeeyey waxaa sare u sii kacayey in jaraa’idka ingiriiska ay wax ka qoraan umuurta labadan lamaane iyagoo sidoo kale xusayey inay jiraan Soomali isku xilqaantay inay falkan burcadnimo ka gil-gishaan aadna uga xun.

Soomaalida ku nool Britain waxay helaan kaalmo iyo caawimaad dhinac walba ah, waxaana si fiican loogu soo dhoweeyey wadankan Britain kadib markii ay kasoo haajireen dalkoodii Somaayi oo muddo 20sano ah dagaalo hadba waji ah uu ka holcayey.

Sidaa daraadeed waxaa Soomaalida Britain isla qireen inay tahay in abaalka iyo bini-aadamnimada loo galay darteed in duqeyda iyo waxgaradka reer Xarar-dheere xil weyn iyo masuuliyad iska saaraan sii deynta lamaanaha Paul Chandler iyo xaaskiisa Rachel.

Inkastoo afduubayaasha lamaanahan ay dalbanayaan lacag madaxfurasho oo aad u badan hadana waxaa kulankan samatabixinta Chandlers lagu cadeeyey inaan wax lacag ah la bixin doonin, lagana dalbanayo dableydan inay ku sii daayaan lamaanahan si shuruud la,aan ah iyagoo xurmaynaya dhaqanka wanagsan ee Somaliada, islaanimada iyo Martida.

Xafladan oo ay qaban-qaaabadeeda iyo isku duba ridkeeda lahaayeen guddi heer sare ah oo arrintan u xilsaarnaa hadana waxaa mahad balaaran loo celiyey dedaalkii iyo juhdigii faraha badnaa ee uu geliyey la,aantiisna aysan suutoobi lahayn in xafladu qabsoono Mudane Ahmed Nur Yusuf (Cawar) oo ka mid ah hogaamiyaasha ururada Somalida ee London.

Ugu danbayntii waxaa iyagana bogaadin muddan saxafiyiin Somali ah oo arrinta lahaytayaasha ka ciyaaray door shariif ah, haday noqon lahayd in la sameeyo barnaamijyo baraarujin ah oo arrintan ku saabsan ama xiriirka jaraaidka iyo idaacadaha caalamka oo ay u muujiyeen sawirka dhabta ah ee Somaliada ee aan ka ahayn kan qafaalka iyo burcad-badeeda.

Horseed Media
London, UK

Wasiirka Wasaaradda Warfaafinta ee Dowladda Puntland C/xakiim Axmed Guuleed oo Shir Jira’id ku qabtay Magaaladda Garoowe ee caasimadda Puntland maanta ayaa si kulul uu cambaareyey talaabooyinki ay Ciidanka Maamulka Somaliland ay ku xir xireen dad rayid ah.

Dhegayso Warkii Wasiirka Warfaafinta C/xakiim Axmed Guuleed

Waxaana uu ku eedeyey Maamulka la magacbaxay Somaliland in ay Ciidankooda ku amreen in ay xadgudub uu geystaan dadweynihii samaynaayay Mudaharaadka, iyadoo uu ku tilmaamay in ay ku dhaqaaqeen falal ka dhan ah Bin’aadanimada.

Wasiirka ayaa sheegay in ay si xoog ah oo fool xun ay kula dhaqmeen dadweyne dhigaayay Mudaharaad ay ku soo bandhigaayeen Shucurtooda, isagoo sheegay in aysan ahayn markii ugu horeysay ay ku dhaqaaqan Ciidanka maamulka Somaliland falal caynkan oo kale.

Waxaana uu ugu baaqay Beesha Caalamka iyo Hay’addaha uu dooda Xuquuqul Insaanka in ay si deg deg ah arintaan wax uga qabtaan isla markaana ay la xisaabtamaan Maamulka la magacbaxay Somaliland.

Wuxuu xusay in Maamulka Somaliland ay xaq uu leedahay in ay sugto Amnigeeda iyadoo aan ku xadgudbaynin Shuruucda Islaamka iyo kan Caalamiga, isagoo sheegay in dhamaan Sharuucdaas ay ka baxeen.

Ugu dambeyntii sidoo kale waxaa uu ugu baaqay Maamulka Somaliland in ay si deg deg ah xabsiyadda kasoo si daayan dadweynaha rayidka ah ee qeyb ka ahaa Banaan bixi ka dhacay Laascaanood.

Horseed Media

Xildhibaan Mukhtaar Maxamuud Faarax oo loo yaqaano Xabeeb, kana soo jeeda beesha degta degmada Galgala oo maanta Shir Jiraa’iid ku qabtay xarunta Dowladda Hoose ee magaaladda Bosaaso ayuu sheegay in kulanka uu dhaxeeya Odeyaasha iyo Waxgaradka kasoo jeeda degaanka Galgala iyo Xukuumadda Puntland uu weli halkaas ka socdo.

Dhegayso shirkii Jaraa’iid ee Xildhibaan Mukhtaar Maxamuud Faarax

Waxaana uu cambaareyn usoo jeediyey qaar ka mid ah Warbaahinadda oo uu ku eedeyey in maalmihi lasoo dhaafay ay tebiyeen warar sheegaayan in Shirkaas uu burburay ka dib marki labadaas dhinac ay isafgaran waayeen.

Inta uu ku guda jiray Shirkiisa Jiraa’iid Xildhibaanka ayaa sheegay in kulankaas uu furay Madaxweynaha Dowladda Puntland Dr.C/raxmaan Faroole,uuna la socodkiisa uu xilsaaray 5-ka mid ah Golihiisa Wasiirada oo ay kala yihin;

1.Wasiirka Howlaha Guud;Daahir Khaliif(Gudoomiye)

2.Wasiirka Maaliyada;Faarax Cali Jaamac(Xubin)

3.Wasiir Kuxigeenka labaad ee arimaha gudaha;Cali Yuusuf Xoosh(Xubin)

4.Wasiiru Dowlaha Amniga;Cali Saalax Xamar(Xubin)

5.Wasiir kuxigeenka Shaqada iyo Shaqaalah;Siciid Daahir Qodax(Xubin).

Mr.Mukhtaar ayaa sheegay in dadkii tebiyey wararkaas sheegaya in shirkii Galgala uu fashilay, looga baahnaa in ay hubiyaan inta aysan warkaas tebin, wuxuuna tilmaamay in uusan aqoon halka ay ka heleen xogtaas ayadoo uu sheegay in kulankaas ay ka qayb galayaan ila 21-Odeyaal iyo Cuqaal oo uu horkacaayo Caaqil Cabdi Faarax oo ah Caaqilka guud ee Beesha Warsangeli ee gobolka Bari.

Wuxuuna si kulul uga carooday wararka ay baahiyeen qaar ka mid ah Warbaahinadda oo uu ku sheegay in ay yihiin warar aan sugneyn.

Wuxuu sheegay in maalmo ka hor uu degmadda Booqasho uu ku tegay Xogheyaha guud ee Dowladda Hoose C/risaaq Axmed Geeldoon oo maanta goobjoog ka ahaa Shirka Jiraa’iid ee lagu qabtay xarunta Dowladaha Hoose ee Boosaaso.

Wuxuuna shaaca ka qaaday in Madaxweynaha Dowladda Puntland uu sidoo kale booqasho ku tegi doono Degmadda Galgala markii uu kasoo laabto Socdaalkiisa uu iminka ku maraayo qaar ka mid ah wadamada ku yaala Qaaradda Afrika, ayuu yiri Xildhibaanka.

Degmada Galgala oo ka tirsan gobalka Bari ayaa waxaa maalmahan ka socday shir u dhaxeeya Cuqaasha gobalka iyo Wadaad lagu magacaabo Maxamed Siciid Attam oo deegaankaasi buuraleyda ah ku heysta maleeshiyo hubeysan.

Kulankan ayaa yimid kadib markii ay horey kulan gaar ah magaalada Garowe ee caasimada Puntland ku yeesheen odayaasha beesha uu kasoo jeedo Shiikh Maxamed Attam iyo Madaxweynaha Puntland.

Sida ay sheegeen qaar kamid ah saxaafadda Puntland Madaxweynaha Puntland Cabdiraxmaan Faroole ayaa fariin uu odayaasha ugu dhiibay Shiikh Maxamed Attam ugu baaqay in hubkiisa kusoo wareejiyo dowlada Puntland, isla markaana la kala diro maleeshiyooyinka hubeysan ee ku sugan deegaankaasi, inkastoo aysan odayaasha Beesha aysan shaacin fariintii uu Madaxweyne Faroole u diray Shiikh Attam.

Shiikh Maxamed Siciid Attam ayaa in muddo ah ku sugan deegaanka Galgala oo uu deegaan ahaan u dhashay, waxayna dadka qaar ku tilmaamaan Shiikha inuu xiriir la leeyahay kooxaha koonfurta Soomaaliya ka dagaalama, taasi oo shaki ku abuurtay dad badan oo arrimahan la xariirinayey falal amni xumo ah oo ka dhacay magaalada Bosaso.

Hase yeeshee Shiikh Maxamed Siciid Attam ayaan asagu aan arrimahan dhanka saxaafadda kala hadal, walow cuqaasha Galgala ayaa sheegeen in Shiikh uu beeniyey inuu wax lug ah ku leeyahay falalka amni xumada ah.

Xildhibaan Mukhtaar ayaa ku sheegay dad dano gaar ah wata inay ka danbeeyaan wararka lagu eedaynayo Shiikh Maxamed Attam oo uu sheegay inuu yahay wadaad deegaanka u dhashay, isla markaana dhulkiisa jooga.

Xildhibaanka ayaa intaa ku daray in Beesha Galgala degta ay ku heshiisay in dhamaan dhalinyarada hubeysan ee deegaankaas ku sugan ay waalidiintooda kaxeystaan oo la kala diro.

Xildhibaan Mukhtaar ayaa ugu danbeyntii sheegay in Shiikh Maxamed Attam uu ogolaaday dadaalka iyo Wadahadalka ay wadaan Cuqaasha iyo Odayaasha deegaanka.

C/salaan Axmed Shire
Horseed Media
Bosaaso, Puntland, Soomaaliya.