golis

Madaxweyne Farmaajo oo u Ambabaxay Koonfur Afrika

Madaxweynaha dowladda federaalka Maxamed Cabdullaahi Farmaajo ayaa u safrtay Dalkaasi koonfur Africa, halkaasi oo uu kaga qaybgali doono caleemo saarka madaxweynaha Cusub ee Koonfur Afrikca Cyril Ramaphosa.

Madaxweynaha ayaa halkaas kaga qeyb galaya xafladda caleemo-saarka Madaxweynaha cusub ee Dalka Koonfur Afrika Mudane Matamela Cyril Ramaphosa oo ku marti qaaday xafaladdiisa qaar ka mid ah Madaxda  caalamka.

Madaxweynaha Jamhuuriyadda ayaa inta uu ku sugan yahay Dalka Koonfur Afrika waxa uu kulan doceedyo la yeelan doonaa hoggaanka dalkaas iyo Madaxda kale ee dhiggiisa ah ee kasoo qeyb galaya munaasabaddan, isagoona kala hadli doona danaha wada jirka ah ee kala dhexeeya dalkeenna.

Sidoo kale, Madaxweynaha ayaa u kuur galaya xaaladda muwaadiniinta Soomaaliyeed ee ku sugan dalka Koonfur Afrika iyo caqabadaha ku gadaaman ganacsiga ballaaran ee muwaadiniinteennu ay ku leeyihiin dalkaas.

Wafdiga Madaxweynaha ee ka qeyb galaya munaasabadda caleemo-saarka Madaxweyne Matamela Ramaphosa waxaa ka mid Wasiirka Arrimaha Dibadda iyo Iskaashiga Caalamiga ah Danjire Axmed Ciise Cawad iyo Agaasimaha Guud ee Madaxtooyada Qaranka Dr. Nuur Diiriye Xirsi (Fuursade).

Caleemosaarka ka dib waxaa la filayaa in madaxweyne Farmaajo uu la kulmo jaaliyada Soomaaliyeed ee ku nool dalkaasi, Jaaliyada oo u badan ganacsato ayaa dhibaato kala kulma dadka wadankaasi oo dhac iyo dil u gaysta.

HORSEEDMEDIA 2019