golis

Farmaajo oo Kulamo Gaargaar ah la Yeeshay Madaxdii Ka Qaybgashay Shirkii Maka

Madaxweynaha dowladda Federaalka Maxamed Cabdullaahi Farmaajo oo ka qeyb galay kulan degdeg ah oo uu Boqorka Sucuudi Carabiya Boqor Salmaan Bin Cabdulcasiis isugu yeeray dalalka ku bahoobay Jaamacadda Carabta iyo khaiijka ayaa kulamo gaar gaar ah la yeeshay madaxda ka qaybgashay kulanka Maka.

Shirkan ayaa laga hadlay xaaladaha ugu danbeeyey ee dalalka ku bahoobay Jaamacadda Carabta, danaha wada jirka ah ee ka dhaxeeya iyo sidii loogu midoobi lahaa dhibaatooyinka iyo caqabadaha ku xeeran dowladaha iyo shucuubta Carbeed.

Arrimaha ugu waaweyn ee shirkan sida gaarka xooga loogu saaray waxaa kamid ahaa in la cambaareeyo lagana hortago faragelinta iiraan ay ku hayso qaar kamid ah dowlaha carabta iyo sidii loo xakameyn lahaa gantaalada Maleeshiyaadka Xuutiyiinta ah ay ku weeraraan wadamada khaliijka gaar ahaan weeraradii ugu dambeeyay ee ka dhacay Sucuudiga iyo xeebaha imaaraatka Carabta, waxaana shirkan gabagabadiisa xalay laga soo saaray War-murtiyeed ka kooban dhoor qodob.

Dhanka kale Madaxweynaha Jamhuuriyadda Federaalka Soomaaliya Mudane Maxamed Abdullaahi Farmaajo ayaa kulamo gaar gaar ah la qaatay Madaxa Golaha Milatariga Kumeel Gaarka ah ee Suudaan Sarreeye Guud Cabdulfataax al-Burhan iyo Ra’iisul Wasaaraha Qadar Sheekh Cabdullaahi Bin Naasir Bin Khaliifa Al Thani.

HORSEEDMEDIA