golis

Muuse Biixi oo Xaaladdii Deg-degga ahayd ka Qaaday Degmooyinka Gar-adag, Ceel Afweyn iyo Ceerigaabo

Wareegto ka soo baxday xafiiska madaxweynaha Somaliland Muuse biixi ayaa lagu sheegay in degmooyinka Gar-adag, Ceel Afweyn iyo Ceerigaabo ee gobolka Sanaag laga qaaday xaaladii deg dega ahayd.

Wareegtada madaxweynaha ayaa sidan u qornayd

Markaan Arkay: Dastuurka Jamhuuriyadda Somaliland, Qodobka 92aad;

Markaan Arkay: In lagu guulaystay dejinta iyo gacan ku qabashada xaaladdii nabad-gelyo darro ee ka dhacday Degmadda Ceel Afweyn; 

Markaan Arkay: In Ciidammada Qaranku ay gacanta ku soo dhigeen ciddii gaysatay iyo dhammaan dadkii ku lugta lahaa falalkii foosha xumaa ee lagu dilay saraakiishii Ciidammada Qaranka iyo dilalkii kale ee ka dhacay degmadaasi; 

Markaan La-tashaday Taliyayaasha Ciidammada Qaranka iyo Hay’adaha Ammaanka ee ay khusayso; 

Waxaan Go’aamiyey;

1) In aan laalay Xaaladdii Deg-degga ahayd ee lagu soo rogay Degmooyinka Gar-adag, Ceel Afweyn iyo Ceerigaabo ee muddadeedu saddexda bilood ahayd.

2) In dhammaan dadkii gaystay fal-dambiyeedyadaasi foosha xun iyo cid kasta oo gacan ku siisay oo u xidhan arrimahaasi sida ugu dhakhsaha badan loo hor-geeyo sharciga.

ALLAA MAHAD LEH 
Muuse Biixi Cabdi
Madaxweynaha JSL.

HORSEEDMEDIA