golis

Qoyska Mugabe iyo Madaxweynaha Zimbabwe oo isku khilaafsan halkii lagu Aasi lahaa Madaxweynihii hore

Qoyska Madaxweynihii hore ee Zimbabwe Robert Mugabe oo Jimcihii lasoo dhaafay ku geeriyooday dalka Singapore ayaa sheegay inaysan dooneyn in Mugabe lagu aaso Qabuuraha Qaranka ee ku yaal magaalada caasimada ah ee Harare.

Dowlada Zimbabwe ayaa qaban qaabineysa xuska iyo Aaska Qaran ee loo qaban doono hogaamiyihii hore, munaasabadahaasi oo la qorsheeyey inay dhacaan Sabtida iyo Axada so socota, hase yeeshee Qoyska Mugabe ayaa sheegay in lagu aasi doono deegaankii uu ku dhashay ee Zvimba.

Mugabe oo dalkaasi kasoo talinayey tan iyo markii xoriyada qaatay, muddo 37 sano ah ayaa xukunka looga tuuray Inqilaab Militari sanadkii hore, iyadoo xilka loo dhiibay Kuxigeenkiisii hore Emmerson Mnangagwa.

Xiriirka Mugabe iyo Emmerson Mnangagwa ayaa ahaa mid gebi ahaan burburay tan iyo markii xilka loo dhaariyey Madaxweynaha cusub, sidoo kale Mugabe ayaa la sheegay inuu ka codsaday qoyskiisa hadii uu dhinto in dowlada aysan aaskiisa faraha lasoo gelin laguna aaso deegaankii uu kasoo jeeday ee Zvimba.

Xukuumada Zimbabwe ayaa illaa iyo hada shaacisay in xuska wayn sabtida soo socota lagu qaban doono Stadiumka magaalada caasimada ah ee Harare, balse weli maysan shaacin halka uu noqon doono Qabuuraha lagu aasi doono Mugabe maalinta Axada ah.

Horseed Media
News Desk