golis

Dibad Baxyo looga soo horjeedo Madaxweyne Abdifatah Siisii oo Masar ka socda.

Qaahira caasimada Dalka Masar waxaa xalay ka bilaabmay dibad baxyo looga soo horjeedo madaxweynaha talada Haya Cabdifataax Siisi, boqolaal qof ayaa isugu soo baxay fagaaraha caanka ah ee Taxriir Square. Ciidamada Booliska Dalka Masar ayaa la sheegay in ay sunta dadka ka ilmaysiisa adeegsadeen si ay u kala cayriyaan dibad baxayaasha.


Shacabka mudaharaadaya ayaa dalbanaya in uu si casilo Madaxweyne Siisi iyagoo ku eedaynaya musuqmaasuq iyo ku tagri fal awoodeed, dibad-baxyo kale ayaa laga soo sheegayaa Magaalooyin kale oo ku yaal Dalka Masar.


2011 ayaa sidaan oo kale Masar waxaa ka bilaabay dibad baxyo balaaran oo looga soo horjeeday madaxweynihii hore ee Dalka Masar Xusni Mubaarak taas oo aakhirkii keentay in xilka laga tuuro, 2013 ayaa sidoo kale af-gambi milateri waxaa xilka looga tuuray madaxweynihii ugu horeeyay oo hab dimuqraadi ah lagu soo doorto Maxamed Mursi kaas oo aakhirkii ku dhintay Xabsiga.


Madaxweynaha talada Haya Cabdifataax Siisii ayaa isagu beeniyay eedaymaha musuqmaasuq ee loo haysto, waxa uuna ku tilmaameyn ” BEEN ”, xaalada dhaqaale ee Masar ayaan wanaagsanayn mudooyinkii danbe.

Horseed Media