Doodii heshiiska DPWorld ee dekadda Bosaso oo dib loo dhigay

Golaha wakiilada Puntland
Xildhibaanada Golaha Wakiilada Puntland

Baarlamaanka Puntland oo maanta u fariistey in ay dib u eegis ku sameeyaan heshiiska DPWORLD ee Dekadda Bosaso ayaa warbixin ka dhegasyety Wasiirka Dekadaha iyo gaadiidka badda Maxamed Cabdi Cismaan (Majiino). kadib markii Xildhibaanada ayaa u yeereen.

Maxamed Cabdi Cismaan (Majiino).

Maxamed Cabdi Cismaan (Majiino). Wasiirka Dekadaha ayaa sheegay in ballanta u danbeysey ee lagu kala bixi lahaa ama heshiisku u noqon lahaa mid miro dhal ah ay ahayd bishii Maarso ee sanadkan 2020, kadibna waxaa dunida ka dilaacay Fayraska Koroona kaas oo xanibaad sameeyey, wasiirku ma sheegin xiliga labaad ee ay dib ugu noqonayaan Imaraadka Carabta.

Xildhibaanada ayaa dood kadib dib u dhigey ka doodista ajandahan maadaama u baahan yahay macluumaad intaas ka badan, waxaana ay dib ugu dhigeen bisha Nofeembar iyo kalfadhigooda danbe.

Heshiiska Puntland la gashey Shirkad laga lee yahay Imaaraadka Carabta P&Ports oo hostagta Shirkadda weyn ee DPWorld ayaa gaaraya 30 sano, waxaana Puntland ku bedalatey in loo dhiso dekada Bosaso iyada oo lagu maalgelinayo adduun dhan 336 dollarka Maraykanka ah, muddo labasano ah gudaheed taas oo aan dhicin.

Horseed media