Awoodaha Dawlad Goboleedyada iyo Hanaqaadkooda -Op-Ed

Waxaa qoray Yusuf F S Email: yusuffarahsamatar@gmail.com

Tayada dawladaha xubnaha ka ah Federalka waxaa u dhexeeya farqi aad u weyn. Kuwana waa billow kuwana waa kuwa kobcaya, kuwana waa kuwa hana qaaday oo sii dadaalaya.

Waxaa habboon iney dhammaantood ku dadaalaan wada shaqeyn iyo is gardaadin. Kuwa hanaqaaday waa iney siiyaan fursad kuwa soo socda oo ey u tilmaammaan dhibtey soo mareen iyo caqabadaha ka horyimid. Xiriirintaa waxaa laga doonayaa iney horseed ka noqoto dawladda Federaalka. Waxaa kaloo la gudboon Dawladda Federaalka iney u oggolaato kuwa hanaqaadaya dhammaan waxii dhaqaale xaq u leeyihiin oo aan la siyaasadeeyn mashaariicda horumarinta.

Sida xoogga loo saarayo doorashooyinka, waxaa muhim ah in lagu dadaalo dhisidda hay’adaha iyo wasaaradaha iyo hanaanka dawladnimo ee gobollada. 

Maamul aan laheyn heykal dawladnimo waa adag tahay in laga hirgeliyo doorasho qof iyo cod ah. 

Waxaa qoray Yusuf F S Email: yusuffarahsamatar@gmail.com