Xildhibaanada Golaha Shacabka ee Baarlamaanka Federaalka Soomaaliya ayaa maanta kulan ay yeesheen waxay ku ansixiyeen Miisaaniyadda Dowladda ee 2021.
Kulanka ayaa waxaa guddoominayay Guddoomiye ku-xigeenka labaad ee golaha shacabka Mudane Mahad Cabdalla Cawad, waxaana ansixinta Miisaaniyadda Dowladda 2021 u codeysay 145-mudane mana jirin xildhibaan ka aamusay iyo wax diiday.
Mudanayaasha ayaa shalay akhrinta labaad marsiiyay miisaaniyadda Dowladda ee 2021-ka.
Wasiirka Maaliyadda Xukuumadda Federaalka Soomaaliya Dr. Cabdiraxmaan Ducaale Beyle ayaa uga mahadceliyay Baarlamaanka Golaha shacabka Jamhuuriyadda Federaalka Soomaaliya meel marinta Miisaaniyadda Dowladda ee 2021-ka.
“ Wasaaradda Maaliyadda waxaa ka go’an iney xoojiso oo sii laba jibaarto dib-u-habeynta Maaliyadda,” ayuu ku yiri Wasiir Beyle qoraal uu soo dhigay Bartiisa gaarka ah ee Facebooka.
Sidoo kale, Wasiir Beyle ayaa u mahadceliyay mas’uuliyiinta Wasaaradda Maaliyadda ee u soo dhabar adeegay shaqada iyo isbedelka Maaliyadeed ee Dowladda ay ku talaabsatay.
Horseed Media
Salaam,
Waxaan maqli jiray kud ka guur oo qanjo u guur… waxaan kaloo maqli jiray maxay ku nuugtaa maxayse ka nuugtaa!!!