Galmudug: 12 tuulo oo ka tirsan koonfurta Mudug oo laga xoreeyey Al-Shabaab

Published: April 22, 2022

Ciidanka Daraawiishta Galmudug ayaa maalintii labaad waxay Koonfurta Gobolka Mudug ka wadaan howlgallo lagu baacsanayo argagixisada Al-Shabaab.

Ciidankaan oo kaashanaya ciidanka Sirdoonka Qaranka ee NISA iyo kuwo is abaabulay oo dadka deegaanka ah waxay saraakiisha hoggaamineysa Radio Muqdisho u sheegeen in howlgalkaan u jeedkiisu uu yahay sidii nabadiidka Al-Shabaab looga xorayn lahaa dhamaan deegaanada dhaca koonfurta gobolka Mudug.

Sidoo kale saraakiishu waxay noo xaqiijiyeen in saacadihii lasoo dhaafay ay ciidanku la wareegeen ugu yaraan 12 tuulo oo ay horay u joogeen maleeshiyaad ka tirsan kooxda nafla caariga ah ee Al-Shabaab.

Deegaanada ay howlgalkaas ka fuliyeen, isla markaana ay la wareegeen ciidamadu waxaa ka mid ah, Shabeelow, Hareeri-dheere, Cimaamad, Dheghaye, Laas-gacamey iyo degaano kale oo dhowr ah, waxaana weli sii socda howlgalladaan xoreynta ah.

Leave a comment

Your email address will not be published. Required fields are marked *