Published: May 16, 2022
Guddoomiyha xisbiga mucaaradka UCID ee Somaliland, Feysal Cali Waraabe oo shir jaraa’id ku qabtay magaalada Hargeysa ayaa ka hadlay doorashadii ka dhacday Muqdisho.
Feysal Cali Waraabe oo boggaadiyey qaabka ay u dhacday doorashada ayaa u hambalyeeyey Xasan Sheekh Maxamuud oo mar labaad doortay Madaxweyne.
“Aniga oo waligey ma daawan doorashada Muqdisho, xaley baan soo jeeday ilaa inta u dambeysay” ayuu yiri Feysal CalI Waraabe.
Sidoo kale waxa uu intaasi ku daray in xalay uu soo jeeday, si uu ula socdo ku dhowaaqista natiijada doorashada.
Ugu dambeyn Gudoomiyaha wuxuu farriin u diray Madaxweynaha cusub ee Soomaaliya, Xasan Sheekh, isaga oo ka dalbaday inuu fuliyo heshiisyadii ay hore u galeen labada dhiinac.
