Madaxweynaha Ruushka Vladimir Putin ayaa booqan doona Kuuriyada Waqooyi Talaadada iyo Arbacada, wuxuuna wadahadal la yeelan…
Madaxweynaha Ruushka Vladimir Putin ayaa booqan doona Kuuriyada Waqooyi Talaadada iyo Arbacada, wuxuuna wadahadal la yeelan doonaa hogaamiyahooda Kim Jong Un, sida ay sheegeen labada dal.
Hoos ka akhriso jadwalka dhacdooyinka muhiimka ah ee xiriirka u dhexeeya Ruushka iyo Waqooyiga Kuuriya labaatankii sano ee la soo dhaafay.
Luulyo, 2000, Putin ayaa booqasho ku tagay Kuuriyada Waqooyi sanadkii ugu horeeyay ee uu madaxweynaha ka yahay, wuxuuna kulan madaxeed la qaatay Kim Jong Il oo ah aabaha dhalay hogaamiyaha Kuuriyada Waqooyi. Waa markii ugu horeysay ee uu Putin tago Kuuriyada Waqooyi.
Oktoobar 14, 2006 – Diseembar 22, 2017
In ka badan 10 sano, Ruushku wuxuu u codeeyay sagaal qaraar oo waaweyn oo Golaha Ammaanka ee Qaramada Midoobay ku ciqaabaya Kuuriyada Waqooyi, oo ay ku jiraan tallaabooyin lagu mamnuucayo ka ganacsiga hubka, wareejinta tignoolajiyada gantaallada iyo shixnadaha raaxada ee Pyongyang.
Abriil 25, 2019
Putin iyo Kim Jong Un ayaa ku kulmay magaalada Vladivostok ee bariga fog ee Ruushka, halkaas oo ay ku yeesheen shir madaxeedkoodii ugu horreeyay.
Febraayo, 2020
Kuuriyada Woqooyi waxay xidhay xudduudaha ay la leedahay Ruushka, iyo Shiinaha, sababtoo ah masiibada COVID-19. Dublamaasiyiinta Ruushka iyo xubnaha qoysku waa inay adeegsadaan gaadhi tareen oo gacanta lagu riixo si ay uga gudbaan xadka.
Febraayo 24, 2022
Ruushka ayaa ku duulay Ukraine. Kuuriyada Waqooyi waxay taageertaa Moscow, iyadoo ku eedaysay “siyaasadda hegemonic” iyo “gacan-sare” ee Maraykanka iyo reer galbeedka.
May 26, 2022
Ruushka iyo Shiinaha ayaa diidmada qayaxan ku diiday qaraar uu Maraykanku soo saaray oo cunaqabatayn dheeraad ah ku soo rogaya Kuuriyada Waqooyi sida mamnuucidda tubaakada iyo saliidda, taasoo si cad u kala qaybisay golaha ammaanka ee Qaramada Midoobay arrinta Kuuriyada Waqooyi markii ugu horreysay.
Luulyo 25, 2023
Wasiirkii difaaca ee Ruushka ee xilligaas, Sergei Shoigu, ayaa booqasho ku tagay Pyongyang, waxaana booqasho uu ku tagay Kim uu ku soo bandhigay bandhigga difaaca ee ay ku jiraan gantaallada ballistic-ga ee laga mamnuucay Kuuriyada Waqooyi.
Sebtembar 13, 2023
Kim ayaa u safraya bariga fog ee Ruushka si uu kulan madaxeed labaad ula yeesho Putin. Waxay ka wada hadlayaan iskaashiga milatari, dagaalka Ukraine iyo caawinta Ruushka ee barnaamijka dayax gacmeedka ee Kuuriyada Waqooyi, sida ay sheegeen labada hoggaamiye.
Oktoobar 13, 2023
Mareykanka ayaa Kuuriyada Waqooyi ku eedeeyay in ay hub u dirtay Ruushka. Moscow iyo Pyongyang ayaa markii dambe beeniyay eedeymaha.
Horseed Media
