Alle ha u naxariistee, Wasiirkii hore ee Waxbarashada Dowladdii dhexe ee Soomaaliya, Marxuum Cabdiraxman Cabdile Shuuke…
Alle ha u naxariistee, Wasiirkii hore ee Waxbarashada Dowladdii dhexe ee Soomaaliya, Marxuum Cabdiraxman Cabdile Shuuke ayaa maanta aas-qaran loogu sameeyey magaalada Gaalkacyo.
Marxuum Cabdiraxman Cabdile Shuuke wuxuu ahaa halyeey Soomaaliyeed oo door muuqda ka qaatay horumarinta waxbarashada iyo dowladnimada Soomaaliya.
Aaska marxuumka waxaa kasoo qaybgalay masuuliyiin ka tirsan labada gole ee dowladda Puntland, isimada dhaqanka, waxgarad iyo dadweynaha Gaalkacyo.
Marxuumka wuxuu ka mid ahaa raggii dhidibada u taagay waxbarashada dalka, isaga oo noloshiisa u huray dib u dhiska qaranka Soomaaliyeed, waxbarashada, iyo hagaajinta nidaamka dowladnimada ee Jamhuuriyadda Soomaaliya.
Dadaalkiisa iyo juhdigiisii ayaa la qiray inuu noqon doono dhaxal iyo xasuus u haray bulshada Soomaaliyeed.
Horseed Media
