Ilo wareed ka tirsan militariga Suuriya ayaa sheegay in ciidanku ay bilaabeen weeraro madaafiic ah oo xooggan oo ay ku bartilmaameedsanayaan goobaha Ciidamada Kurdida Suuriya (SDF) ee ku yaal degmooyinka Sheikh Maqsoud iyo Ashrafieh ee Aleppo.
Wakaaladda wararka ee dawladda ee SANA ayaa ku warantay in ciidamada SDF ay madaafiic ku weerareen xaafadda Al-Midan ee Aleppo.
Wasaaradda Caafimaadka Suuriya ayaa sheegtay in sagaal qof oo rayid ah ay ku dhinteen 55 kalena ay ku dhaawacmeen weerarrada ay ciidamada SDF ka geysteen magaalada Aleppo.
Xafiiska warbaahinta ee SDF ayaa sheegaya in ciidamada dowladda Suuriya ay sii wadeen, maalintii saddexaad oo xiriir ah, inay duqeeyaan xaafadaha la deggan yahay ee degmada Ashrafieh iyagoo adeegsanaya madaafiic iyo taangiyo.
Hoggaamiyaha Kurdiyiinta Suuriya Mazloum Abdi ayaa sheegay in rabshadaha ka socda Aleppo ay wiiqeen wadahadalladii lala galay dowladda ee ka socday Dimishiq iyadoo hirgelinta heshiiska la gaaray sannadkii hore si ciidamada Kurdiyiinta loogu daro militariga.
