Ciidamada Puntland oo kaashanaya saaxiibada caalamiga ah ayaa maanta duqeymo culus iyo dagaal toos ah ka…
Ciidamada Puntland oo kaashanaya saaxiibada caalamiga ah ayaa maanta duqeymo culus iyo dagaal toos ah ka fuliyay buuraha Calmiskaad ee gobolka Bari, halkaas oo ay ku sugnaayeen maleeshiyaadka Daacish. Howlgalka ayaa ahaa mid si weyn loo qorsheeyay.
Weerarka ugu xoogganaa ayaa lagu beegsaday Ceelka Baarakalaah oo ah fariisin muhiim u ahaa Daacish, kuna yaalla togga Baallade. Puntland waxay bartilmaameedsatay meelo kooxda ay u adeegsato abaabulka weerarrada.
Wararka ayaa sheegay in duqeymaha ay fulisay dowladda Mareykanka, kuwaas oo si toos ah u garaacay firxadka Daacish ee aagga ku sugan. Taageeradan caalamiga ah ayaa qayb ka ah iskaashiga amni ee gobolka.
Dagaal fool-ka-fool ah ayaa dhacay, gaar ahaan godadka ay ku dhuuntaan maleeshiyaadka. Khasaaraha rasmiga ah lama shaacin, balse warar madaxbannaan waxay sheegayaan in labada dhinac uu khasaare ka soo gaaray.
Xaaladdu weli waa mid kacsan, waxaana socda howlgal dhul iyo cir isugu jira. Puntland ayaa qorsheyneysa in laba todobaad gudahood lagu soo afjaro dagaalka lagula jiro kooxda Daacish.
