Nairobi, Kenya — Khilaaf diblomaasiyadeed oo weyn ayaa ka dhashay safaaradda Soomaaliya ee Kenya, kadib markii safiirkii dalka uu ka qayb galay kulan ay soo abaabushay safaaradda Israel.
Safiirka Jibriil Cabdull waxa uu ka qayb galay waxa loogu yeero “Shirka Avocado,” inkastoo Soomaaliya aysan Israel la lahayn xiriir diblomaasiyadeed oo rasmi ah.
Xiisada u dhaxeysa labada dal ayaa sare u kacay horaantii sanadkan markii Israel ay aqoonsatay Somaliland inay tahay maamul madax-bannaan.
Ka qaybgalka safiirka ayaa dhalisay su’aalo ku saabsan mowqifka Soomaaliya ee Israel.
Ilo ku dhow Wasaaradda Arrimaha Dibadda ee Soomaaliya ayaa sheegay in Madaxweynaha Xasan Sheekh Maxamuud uu ka warqabay ka qaybgalka safiirka islamarkaana la sheegay inuu ogolaaday, taasoo si rasmi ah u siisay safiirka Cabdull “fasax” uu ku tago xafladda.
Dhacdadan ayaa kor u qaadi doonta doodo ku saabsan qaabka siyaasadda diblomaasiyadeed ee Soomaaliya ee Geeska Afrika iyo Bariga Dhexe, iyadoo dowlada Federaalka ee wakhtigeedu dhamaaday horey uga soo baxeen go’aano iyo hadallo is-khilaafsan dhanka siyaasadda Arrimaha Dibadda.
