Duqeymaha Israa’iil ayaa dilay ugu yaraan 32 qof oo ku sugan Lubnaan, taasoo carqaladeyn karta wadahadallada u dhexeeya Mareykanka iyo Iiraan ee lagu doonayo in lagu xoojiyo heshiis nabadeed.
Wasaaradda Arrimaha Dibadda ee Pakistan ayaa Sabtidii sheegtay in wadahadallo daba socda oo u dhexeeya Iiraan iyo Mareykanka oo ku saabsan heshiiska is-afgaradka ee toddobaadkan la saxiixay ay Axadda ka dhici doonaan Burgenstock, Switzerland.
Waxay sheegtay in wakiillo ka socda Mareykanka iyo Iiraan ay ka qaybgeli doonaan, iyo sidoo kale dhexdhexaadiyayaal ka socda Pakistan iyo Qatar.
Weerarada sii socda ee Israa’iil ay ka geysaneyso Lubnaan ayaa horseeday shaki ku saabsan in Iiraaniyiintu ay ka soo qayb geli doonaan shirka dhamistirka heshiiska iyo in kale.
Laakiin telefishanka dowladda Iiraan ayaa Sabtidii sheegay, isagoo soo xiganaya afhayeenka wasaaradda arrimaha dibadda, in kooxda wadaxaajoodka ee dalkooda ay u safri doonaan Switzerland.
