Warbaahinta Israa’iil ayaa tabinaysa in la dilay Yasser Abu Shabab, oo ahaa hoggaamiyihii koox burcad ah oo ku sugan Marinka Gaza, oo lagu eedeeyay inuu la shaqeeyay Israa’iil si uu uga hortago Xamaas iyo inuu dhacay gargaarka bani’aadamnimada.
Abu Shabab wuxuu noqday shakhsi caan ah intii uu socday dagaalkii xasuuqa ahaa ee Israa’iil ay ku qaaday Falastiiniyiinta Gaza, iyadoo kooxdiisii loogu magac daray Ciidamada Caanka ah lagu eedeeyay inay xadeen gargaarka bani’aadamnimada.
Telefishinka Channel 14 ee Israa’iil ayaa markii ugu horreysay Khamiistii baahiyay geeridiisa, isagoon bixin faahfaahin dheeraad ah.
Telefishinka Channel 12 wuxuu sheegay in Abu Shabab lagu dilay iskahorimaadyo uu la galay “qabiilada Gaza” ka dibna lagu dhawaaqay inuu dhintay Xarunta Caafimaadka ee Soroka ee koonfurta Israa’iil.
Saraakiisha Israa’iil ayaa horey u sheegay inay la shaqeynayaan kooxaha hubeysan ee ku sugan Gaza, oo ay ku jirto kan uu hoggaamiyo Abu Shabab, si loo dhiso ciidan maxalli ah oo ka soo horjeeda Xamaas.
Ma jirin wax war ah oo ku saabsan xaaladda Abu Shabab oo illaa iyo hada lagu shaaciyey Facebook kooxdiisa.
Kooxdan Abu Shabaab ee Gaza ayaa sidoo kale la sheegaa inay qeyb ka tahay shabakada kooxda Daacish.
