Warbaahinta Mareykanka ayaa werisay in si loo xakameeyo xiisadda, Madaxweynaha Mareykanka Donald Trump uu la hadlay Raysalwasaaraha Israa’iil Benjamin Netanyahu.
Iiraan iyo Israa’iil ayaa joojiyay weeraradii gantaalada iyo diyaaradaha aan duuliyaha lahayn ee habeen hore la qaaday – weerarkii ugu horreeyay ee is-weydaarsiga ah tan iyo markii xabad joojintu bilaabatay horraantii Abriil.
Iiraan ayaa Isniintii gelinkii-danbe ku dhawaaqday inay joojinayso weerarrada, laakiin waxay ka digtay inay dib u bilaabi doonaan haddii Israa’iil ay qaaddo falal “gardarro iyo cadaawad” dheeraad ah, oo ay ku jirto duulaanka Lubnaan.
Warbaahinta Israa’iil ayaa sheegtay in ciidanku ay ka fogaan doonaan weerarrada Iiraan kadib markii uu codsaday Madaxweynaha Mareykanka Donald Trump.
Ra’iisul Wasaare Benjamin Netanyahu ayaa sheegay in weerarrada la joojiyay.
Si kastaba ha ahaatee, wuxuu ku adkaystay in militariga Israa’iil uu sii wadi doono howlgallada ka dhanka ah Xisbullah ee xiriirka la leh Iiraan ee Lubnaan, wuxuuna ku hanjabay haddii Iiraan “ay sameyso qalad oo ay dib ugu soo laabato inay na weerarto, waxaan ku jawaabi doonnaa si xoogleh”.
Isweydaarsiga duqeynta ee ugu dambeeyay, ayaa kordhisay cabsida laga qabo in dib loogu laabto dagaalka, taasoo sii xumeyn doonta dhibaatada tamarta adduunka.
Weeraradan ayaa sidoo kale carqaladeyn kara dadaallada diblomaasiyadeed ee socda ee loogu talagalay in lagu xaqiijiyo joojinta dagaalka u dhexeeya Iiraan iyo Mareykanka & Israa’iil.
