Mas’uuliyiinta Kuwait ayaa sheegay in ugu yaraan hal qof lagu dilay duqeymo ay Iiraan ka geysatay garoonka diyaaradaha ee ugu weyn. Ugu yaraan 63 qof ayaa ku dhaawacmay.
Mas’uuliyiintu waxay sheegeen inay ka jawaabeen 13 gantaal oo ballistic ah iyo 17 diyaaradood oo aan duuliye lahayn oo laga soo riday Iiraan oo soo galay hawada Kuwait tan iyo waaberigii.
Sidoo kale, dalka Baxrayn, ciidanku waxay sheegeen inay soo rideen saddex gantaal iyo dhowr diyaaradood oo aan duuliye lahayn oo bartilmaameedsanaya kaabayaasha dhaqaalaha ee rayidka.
Iiraan waxay sheegtay in weerarradeedu ay jawaab u ahaayeen duqeymo uu Mareykanku u geystay markab ganacsi iyo munaarad isgaarsiineed. Waxay sheegtay inay weerartay Saldhiga Mareykanka ee Baxrayn iyo waxa ay ku tilmaantay saldhig diyaaradeed oo ku yaal Kuwait.
Taliska Dhexe ee Milatariga Mareykanka (CENTCOM) ayaa maanta gelinkii hore sheegay inay duqeyn “is-difaac ah” ku fuliyeen Jasiiradda Qeshm ee Iiraan si ay uga jawaabaan weerarrada Iiraan.
