Iiraan ayaa u magacawday Maxamed Baqer Zolghadr inuu noqdo xoghayaha Golaha Sare ee Amniga Qaranka, isagoo beddelaya Cali Larijaani oo lagu dilay weerar ay fuliyeen Israa’iil iyo Maraykanka.
Zolghadr, oo hore uga tirsanaa taliyeyaasha Ciidanka Ilaalada Kacaanka Islaamiga ah (IRGC), wuxuu hore u ahaa xoghayaha Golaha Tashiga Danta Qaranka ee Iiraan. Waxa kale oo uu soo qabtay xilal kala duwan, oo ay ka mid yihiin wasiir ku-xigeenka arrimaha gudaha, iyo kaaliyaha madaxa garsoorka ee arrimaha istaraatiijiyadda.
Zolghadr wuxuu xilka kala wareegay Larijaani, oo lagu dilay duqeyn cirka ah oo ay fuliyeen Maraykanka iyo Israa’iil gudaha Tehran 17-kii Maarso.
Maraykanka iyo Israa’iil ayaa sii waday duqeymaha ay ku hayaan Iiraan tan iyo 28-kii Febraayo, waxaana la sheegay in ay ku dhinteen in ka badan 1,340 qof, oo uu ku jiro hoggaamiyihii sare ee Cali Khamenei.
Tehran ayaa ka aargoosatay iyadoo adeegsanaysa weerarro diyaarado aan duuliye lahayn (drone) iyo gantaallo, kuwaas oo lagu bartilmaameedsaday Israa’iil, iyo sidoo kale Urdun, Ciraaq, iyo dalalka Khaliijka ee martigeliya saldhigyada milatari ee Maraykanka, taasoo sababtay khasaare naf iyo maalba leh isla markaana carqaladeysay suuqyada caalamiga ah iyo duulimaadyada.
Horseed Media
