Darbiga laga dhisayo xadka Daanta Galbeed ayaa u baahan ogolaanshaha maamulka Falastiiniyiinta, maadaama ay tahay hay’adda sharciga ah ee mas’uulka ka ah gobolkaas, sida ay qabaan khubarada sharciga ah.
Israa’iil waxay ku talo jirtaa inay bilaha soo socda ka dhisto darbi xudduudaha ay la wadaagto Urdun, iyo sidoo kale Daanta Galbeed ee la haysto, “si ay uga hortagto hub koontarabaanka ah, dhiirigelinta argagixisada, iyo horumarinta dejinta,” sida lagu sheegay bayaan ka soo baxay xafiiska Wasiirka Amniga Israa’iil, Yisrael Katz, kaas oo uu filayo in derbiga lagu dhammeeyo 3 sano gudahood.
Isniintii, Katz wuxuu booqday dooxada Jordan ee Falastiin, isagoo sheegay in lagu amray “inuu riixo in la dejiyo deegaamaynta wadada derbiga si aan u xoojino maamulkeena gobolka.” Waxa uu sheegay in uu arkay xidhiidh toos ah oo ka dhexeeya ciribtirka kooxaha hubaysan ee ku jira xeryaha qaxootiga ee Daanta Galbeed iyo dhismaha darbiga looga dan leeyahay in lagu fashiliyo isku dayga Iran ay ku doonayso in ay ku abuurto dagaal ka dhan ah Israa’iil, sida uu hadalka u dhigay.
Katz ayaa soo bandhigay qabyo qoraalka mashruuca madaxda golaha deegaanka ee dooxada Urdun, waxaana soo baxday in qarashkiisu yahay 5.2 bilyan oo sheqel, ama hal bilyan iyo 500 milyan oo doolar, waxaana lagu kordhin doonaa masaafo dhan 425 km, isagoo xusay in dhererka xadka u dhexeeya Urdun iyo Israa’iil uu yahay 238 KM, oo ka bilaabanaya badda Galili ilaa 7 km oo ah xuduudka Gacanka Israa’iil.
13-kii Agoosto, Katz wuxuu ku baaqay in la dardargeliyo dhismaha darbiga, isagoo ku andacoonaya in “Cutubyada Ilaalada Kacaanka Iran ay la shaqeynayaan Xamaas ee Lubnaan si ay hub iyo lacag u geeyaan Urdun, oo ay halkaas uga sii gudbaan Daanta Galbeed.””X” ayuu ka yiri: “Eedeynta la been abuuray, ama beenta ay soo saareen saraakiisha Israel ee xagjirka ah, ma awoodaan inay qariyaan xaqiiqda ah in gardarrada Israa’iil ee Gaza, ku xadgudubka sharciga caalamiga ah, iyo ku xadgudubka xuquuqda dadka Falastiiniyiinta ay yihiin khatarta ugu weyn ee amniga iyo xasilloonida gobolka.”
Horseed Media
