Xilli ay dalalka Maraykanka iyo Iran isu diyaarinayaan wadahadallo ka dhacaya Pakistan, ayaa maamulka Israel waxa…
Xilli ay dalalka Maraykanka iyo Iran isu diyaarinayaan wadahadallo ka dhacaya Pakistan, ayaa maamulka Israel waxa uu sii wadaa duqaymaha Lubnaan ka dib markii ay dishay in ka badan 300 oo qof isla markaana ay dhaawacday ugu yaraan 1,150 maalin gudaheed.
Madaxa Hay’adda Caafimaadka Adduunka Tedros Adhanom Ghebreyesus ayaa ugu baaqay Israa’iil inay ka laabato amar qasab ah oo lagu daadgureynayo laba isbitaal oo muhiim ah oo ku yaal aagga Beirut ee Lubnaan iyadoo nidaamka caafimaadka ee dalku uu ku dhibtoonayo inuu daweeyo dhaawacyada rayidka ah ee ka soo gaara weerarrada Israa’iil.
Wasiirka Arrimaha Dibadda ee Iiraan Abbas Araghchi ayaa sheegay in haddii Mareykanku uu diyaar u yahay inuu “burburiyo dhaqaalihiisa” isagoo sii wadaya inuu u oggolaado Ra’iisul Wasaaraha Israa’iil Benjamin Netanyahu inuu uu xansuuqo shacabka hareermarana diblumaasiyadda “Waxaan u maleyneynaa inay taasi noqon doonto doqonimo laakiin waan u diyaarsanahay.”
Netanyahu wuxuu sheegay in tilmaamaha la soo saaray si loo bilaabo wadahadallo toos ah oo lala galo Lubnaan, halka warbaahinta Israa’iil ay ku warramayso in wasiirka difaaca ee dalku uu yiri “dagaalka lama joojin doono”.
Dhanka kalena, Safiirro ka socda in ka badan 60 waddan ayaa ku biiray Indonesia iyagoo cambaareeyay weerarrada socda ee lagu qaaday UNIFIL, oo ay ku jiraan weerarradii dhawaan Israa’iil ay ku dishay saddex askari oo ka tirsan ciidamada nabad ilaalinta ee Indonesia ee Lubnaan.
