Jubbaland oo qaadacday waxka-beddelkasta oo lagu sameeyo dastuurka Somalia.

Jubbaland ayaa ku eedaysay dowladda federalka ah ee Somalia mas’uuliyad darro iyo kala burburinta dalka, iyadoo sheegtay inuusan dhaqan-gal noqon doonin waxka beddel kasta oo lagu sameeyo dastuurka dalka.

“Dowladda Federaalka ah waxay si mas’uuliyad darro ah ugu tumanaysaa dastuurkii lagu doortay, iyada oo wax ka baddelkiisa u maraysa hannaan baalmarsan habraacyadii ku qornaa wax ka baddelka dastuurka”, Ayaa lagu yiri war-saxaafadeed ka soo baxay Jubbaland.

Jubbaland waxay sheegtay in arrintaan ay dabada ka riixayso Madaxtooyada Somalia“Ficilladii u dambeeyay ee ka dhacay goleyaasha baarlamaanka waxay muujinayaan xilkasnimo-darro weyn, iyada oo xildhibaanada ka soo horjeeda go’aanka uu dabada ka riixayo madaxweynaha waqtigiisu gabagabada yahay ay la kulmeen jirdil iyo handadaad halis gelisay nafdooda.”