Saddex bambaano ayaa lagu soo tuuray darbiga qunsuliyadda Ruushka ku leeyahay koonfurta dalka Faransiiska ee Marseille Isniintii, kuwaas oo laba kamid ah ay qarxeen, sida uu sheegay booliska Marseille.
Qaraxyada ayaa lagu dhex tuuray jardiinooyinka qunsuliyada ee magaalada labaad ee ugu weyn Faransiiska. Baarayaashu waxay falanqeynayeen waxa ku jira saddexda dhalo ee soodhaha ah ee loo adeegsaday dhacdadan.
Kremlin-ka ayaa sheegtay in Ruushku uu Faransiisku ku cadaadinayo tallaabooyin dhinaca ammaanka ah ka dib dhacdadaas, oo Moscow ay sheegtay in ay u muuqato fal argagixiso, wuxuuna dalbaday in baaritaan buuxa lagu sameeyo.
Ma jirto cid wax ku noqotay, booliisku waxa ay intaa ku dareen. Horaantii, shaqaalaha qunsuliyadda ayaa lagu haayay gudaha halka saraakiisha bambooyinka ay wadeen baaritaanno.
“Qaraxyadii ka dhacay dhulka Qunsuliyadda guud ee Ruushka ku leeyahay Marseille waxay leeyihiin dhammaan astaamaha lagu garto weerar argagixiso,” ayay TASS ka soo xigatay afhayeenka wasaaradda arrimaha dibadda ee Ruushka Maria Zakharova.
