Agaasimaha guud ee Hay’adda Caafimaadka Adduunka (WHO) ayaa sheegay in 220 qof ay u dhinteen cudurka Ebola ee hadda ka dilaacay DRC.
“Waxaan si degdeg ah u kordhinaynaa hawlgallada, laakiin xilligan cudurkan faafa ayaa si xawli ah u fidaya,” ayuu yiri Tedros Adhanom Ghebreyesus Isniintii, isagoo intaa ku daray in waddamada deriska la ah Jamhuuriyadda Dimuqraadiga ah ee Congo (DRC) ay tahay inay qaadaan tallaabo degdeg ah.
Isniintii, Uganda ayaa soo warisay laba kiis oo kale oo Ebola ah, taasoo tirada guud ee kiisaska la xaqiijiyay ee dalkaas ka dhigaysa toddobo.
Ebola waa cudur fayras ah oo ku faafa taabashada tooska ah ee dareerayaasha jirka. Waxay sababi kartaa dhiigbax daran iyo xanuuno kale, oo keena dhimasho.
Ma jiro tallaal ama daaweyn looga hortagi karo nooca cusub ee Ebola ee loo yaqaan Bundibugyo.
