Madaxda ugu sarraysa maamulka Waqooyi Bari Somalia ayaa siyaabo kala duwan wax uga qoray caleemasaarkoodii 17…
Madaxda ugu sarraysa maamulka Waqooyi Bari Somalia ayaa siyaabo kala duwan wax uga qoray caleemasaarkoodii 17 January 2026 ka dhacay Magaalada Laascaanood ee xarunta gobolka Sool, ahna caasimadda Waqooyi Bari.
Madaxweyne Firdhiye oo garoonka diyaaradaha Laascaanood ku sagootiyey wafuuddii ka qaybgashay caleema-saarka ayaa siweyn uga mahadceliyey sida habsamid leh ee xafladdu u dhacday, wuxuuna sheegay in wax walba sidii loo qorsheeyey u qabsoomeen iyadoo nabad ah.
Dhanka kalena, Madaxweyne ku-xigeenka Waqooyi Bari Cabdirashiid Yuusuf Jibriil, ayaa baahiyey suugaan duurxul ah, isagoo muujiyey sida uu u saguuley inaysan muuqan matalaaddii gobolka Sanaag.
HOOS KA AKHRISO
Masoow aabbahay iyo waxaan, Magan kasoo gaadhay
Rag waxaan ku maamuli aqaan, amaan ku maamuusi
Masaa in aanu nahay ooy tolnimo, meerto noo tahaye
oon waliba kaga miil caddahay, miidhse diiddaniye,
Masallaha ninkaan ii dhigayn, midig ma saaraayo
Kii aniga iga maarmi kara, uma muraad yeesho
Abwaan Saahid Qamaam Cali
