Madaxweynaha dowladda Federalka ah ee Somalia Xasan Sheekh Maxamuud ayaa la qorshaynayaa inuu safar laba maalmood…
Madaxweynaha dowladda Federalka ah ee Somalia Xasan Sheekh Maxamuud ayaa la qorshaynayaa inuu safar laba maalmood qaadan doona ku tago Magaalada Djabuti ee caasimadda Jamhuuriyadda Jabuuti.
Madaxweyne Xasan Sheekh Maxamuud ayaa kulamo la qaadan doona Madaxweyne Geelle iyo mas’uuliyiin kale oo sare. Kulamada ayaa diiradda lagu saari doonaa xoojinta xiriirka labada dal iyo iskaashiga dhinacyada amniga, siyaasadda iyo horumarinta gobolka Geeska Afrika.
Madaxweyne Ismaaciil Cumar Geelle ayaa si rasmi ah u gudbiyay musharraxnimadiisa doorashada madaxtinnimada ee la qorsheeyay 10-ka Abriil 2026, isagoo doonaya inuu sii kordhiyo muddo-xileedkiisa lixaad.
Madaxweyne Geelle oo 78 jir ah ayaa talada dalka hayay tan iyo 1999-kii, markaas oo uu xilka kala wareegay madaxweynihii ugu horreeyay ee Jabuuti Hassan Gouled Aptidon, wuxuuna Jabuuti ka dhigay xarun istiraatiiji ah oo muhiim u ah ganacsiga iyo amniga gobolka, iyadoo dalka ay ku yaallaan saldhigyo milatari oo ay leeyihiin quwadaha waaweyn sida United States, China iyo France.
