Maxkamad sare oo Jarmal ah ayaa go’aamisay in aysan ahayn mid ka horimaaneysa bini’aadantinimo in loo tarxiilo Giriiga labo magangalyo doon ah. Nimankan ayaa sharci qaxootinimo ka raadsaday Jarmalka ka dib markii ay hore codsiyo uga soo gudbiyeen waddanka Giriiga.
Maxkamadda Federaalka ee Jarmalka ee Leipzig ayaa Arbacadii xukuntay in labada nin ee wajahaya masaafurinta Giriiga aysan la kulmi doonin wax ka baxsan bini’aadantinimada ama sharaf dhac haddii dib loo celiyo.
Dadka loo celiyo Giriigga si waxay helaan wax yar oo taageero dawladeed ah, laakiin maxkamaddu ma aysan helin wax macquul ah oo muhiim ah oo sheegaya inay la kulmayaan dhibaato adag.
Marka loo eego Midowga Yurub ee “Heshiiska Dublin” ee qaxootiga, magangalyo-doonku waa inay ku dhammaystiraan joogidooda waddanka ugu horreeya ee EU-da ee qaabila.
Maxkamadda Maamulka Federalka ayaa la weydiistay inay qiimeyso xaaladda qaxootiga Giriiga.
