Milatariga Uganda ayaa sheegay in iyaga iyo ciidamada Jamhuuriyadda Dimuqraadiga ah ee deriska la ah ee Congo ay sii daayeen ilaa 200 la haystayaal ah oo ku sugnaa bariga DRC, howlgal wadajir ah oo ka dhanka ah mintidiinta Islaamiga ah ee loo yaqaan ADF.
Ciidamada Uganda iyo kuwa Congo ayaa badbaadiyay ugu yaraan 200 qof oo rayid ah weerar ay ku qaadeen xero koox Islaamiyiin ah oo ku taal waqooyi-bari Jamhuuriyadda Dimuqraadiga ah ee Congo (DRC) toddobaadkii hore, sida ay ku sheegeen war ay soo saareen militariga Uganda.
Ciidamada Difaaca Dadka Uganda (UPDF) ayaa sheegay in weerarka ku bartilmaameedsadeen koox reer Ugandan ah oo ka howlgala bariga Congo, oo loo yaqaan (ADF), kuwaas oo sheegay inay daacad u yihiin “Dowladda Islaamiga ah / Daacish”.
Milatariga ayaa sheegay in hawlgalka ka dhacay xero ku taal Wabiga Epulu ee bariga DRC.
Xerada waxaa gacanta ku hayay “taliye caan ah oo ka tirsan ADF, oo lagu magacaabo Ssebagala, oo sidoo kale loo yaqaan Mzee Mayor.”
Waxay sheegeen in dhowr dagaalyahan oo ADF ah la dilay, hubna laga soo furtay intii uu socday hawlgalka.
