Xukuumadda Yemen ee Xuutiyiintu maamulaan ayaa ku dhawaaqday inay dib u bilowday howlgallada Milateri ee lagu…
Xukuumadda Yemen ee Xuutiyiintu maamulaan ayaa ku dhawaaqday inay dib u bilowday howlgallada Milateri ee lagu beegsanayo maraakiibta Israa’iil ee ku sugan gobolada muhiimka ah ee badda, kaddib markii uu dhammaaday waqtigii loo qabtay xukuumadda Yuhuudda inay dib u furto marinnada marinka Qaza, una ogolaato gargaarka bini’aadanimo.
Ciidamada qalabka sida ee Yemen ayaa qoraal ka soo baxay maanta oo Arboco ah, iyagoo sheegay in duqeymaha ay dib u bilaaban doonaan sida ku cad wareegto la xiriirta arrintaasi oo uu soo saaray Abdul-Malik al-Houthi, hogaamiyaha dhaqdhaqaaqa iska caabinta Ansarullah ee Yemen.
Hogaamiyaha Ansarullah ayaa u qabtay taliska afar maalmood ka hor inta aan la furin isgoysyada ay Tel Aviv xirtay si ay isku dayaan in ay ku qasbaan dhaqdhaqaaqa wax iska caabinta ee Xamaas ee fadhigoodu yahay Qaza in ay siidaayaan inta ka hartay maxaabiista Sahyuuniyadda ee u xiran.
Go’aanka maamulka Israa’iil ayaa looga golleeyahay in lagu kordhiyo cadaadiska weyn ee lagu hayo Falastiiniyiinta ku sugan Gaza, kuwaas oo horey ugu dhibtooday dagaal 15 bilood ka badan oo lagu xasuuqay Tel Aviv.
