Ciidamada Nigeria ayaa Arbacadii sheegay in ugu yaraan 80 qof oo looga shakisan yahay inay yihiin mintidiin ay ku dileen meel u dhow saldhig milatari oo ku yaal gobolka waqooyi-bari ee Borno.
Iyada oo ay taageerayaan ciidamada cirka, militariga Nigeria ayaa sheegay inay iska caabiyeen weerar abaabulan oo habeenkii oo dhan ay soo qaadeen kooxo fallaago ah oo aan la garanayn oo ku sugan meel u dhow xadka Niger.
Weerarkii Arbacada ayaa qeyb ka ah xiisada sii kordhaya ee ka socota gobolka ay colaaduhu saameeyeen oo ay sidoo kale ku dagaalamayaan Boko Xaram iyo koox ka goosatay oo ka tirsan Daacish ee Galbeedka Afrika.
Horraantii toddobaadkan, saddex qarax oo ismiidaamin ah ayey ku dhinteen ugu yaraan 23 qof isla markaana ay ku dhaawacmeen in ka badan 100 oo kale oo ka dhacay caasimadda Borno, Maiduguri.
