Puntland oo gobolka Mudug ka joojisey dhoofinta caagagga iyo bir-qalaxda.

Maamulka gobolka Mudug ee Puntland ayaa wareegto uu soo saaray ku mamnoocay ka ganacsiga iyo iibinta dhammaan biraha iyo agabka kale ee u baahan dib u wershedeynta oo loo daabuli jirey dalka Itoobiya.

Qoraal ka soo baxay xafiiska guddoomiyaha gobolka Mudug ee Puntland Faysal Sheekh Cali ayaa joojiyey Iibinta, ka ganacsiga iyo dhoofinta Bir-qalaxda, Caagadaha iyo dhammaan khayraadka u baahan dib u wershedaynta ee yaalla gobolka Mudug.

Maamulka gobolka Mudug ee Puntland faahfaahin dheeri ah kama bixin sababaha keenay joojinta dhoofka bir-qalaxda iyo caagadaha oo siweyn muddooyinkii dambe ugu soo batay Puntland.