Puntland oo shaacisay hoos u dhac kuyimid dakhliga deeqaha caalamiga ah.

Agaasimaha guud ee wasaaradda maaliyadda dowladda Puntland, Axmed Jaamac Jowle ayaa ka hadlay hoos u dhac ku yimid dakhliga mashaariicda caalamiga ah ee sanadka 2026.

Miisaaniyadda Dowladda Puntland ee 2026 waxay ka kooban tahay dakhli lagu maamulayo Khasnadda Dowladda (On-budget) iyo dakhli ka baxsan Khasnadda Dowladda (Off-budget). Miisaaniyadda guud ee sanadka waxay dhan tahay $315,783,344.

1. Dakhliga Gudaha (On-Budget Revenue)

• Dakhliga gudaha ee 2026: $117,612,300

• Kordhinta marka loo eego 2025: 16%

• Kabka Miisaaniyadeed ee lagu daray: $22,541,685

• Dakhliga gudaha ee guud ahaan Khasnadda lagu maamulo: $140,153,985

2. Mashaariicda Bankiga Adduunka ee soo mara Khasnadda Dowladda

• Lacagta sanadka 2026: $39,495,472

• Wadarta dakhliga dhammaan ee Khasnadda Dowladda lagu maamulayo: $179,649,457

3. Dakhliga ka baxsan Khasnadda Dowladda (Off-Budget)

Qaybtani waxa ay ka kooban tahay:

• Mashaariicda Qaramada Midoobay

• Hay’adaha caalamiga ah

• Mashruuca Bankiga Horumarinta Afrika

• Dawladaha Hoose

Wadarta: $136,133,887 sanadkii.

Mashaariicdan waxaa si toos ah u maamula hay’adaha fulinaya, iyaga oo ku fuliya qorsheyaal horumarineed oo gaar u ah.

Waxa xusid mudan in mashaariicda caalamiga ah ee 2026 hoos u dhaceen 57%, marka la barbar dhigo 2025, taasoo ka dhalatay hoos u dhac weyn oo ku yimid deeqaha caalamiga ah ee la heli jiray.