Madaxweynaha Ruushka Vladimir Putin ayaa sheegay inay Maraykanka u soo bandhigayaan macdano naadir ah, oo ku jira dhulka cusub ee Ruushku ka qabsaday Ukraine.
Arrintan ayaa timid ka dib markii madaxweynaha Mareykanka Donald Trump uu marar badan ku riixay in Ukraine ay ka tanaasusho qaar ka mid ah macdanteeda si ay taageero ugu hesho, heshiiskaas oo hadda la dhameystirayo, sida uu sheegay wasiir ka tirsan Ukraine.
Wareysi uu siiyay TV-ga dowladda Isniintii, ayuu Putin ku sheegay inuu diyaar u yahay inuu “ku deeqo” agabka la-hawlgalayaasha Mareykanka ee mashaariicda wadajirka ah, oo ay ku jiraan macdanta “dhulka cusub” ee Ruushka – ee qaybo ka mid ah bariga Ukraine oo Ruushku qabsaday tan iyo markii uu bilaabay duulaanka ballaaran saddex sano ka hor.
Soo jeedintu waxay sidoo kale arki kartaa labada waddan oo iska kaashanaya soo saarista aluminiumka iyo sahayda Mareykanka si loo dejiyo qiimaha, ayuu raaciyay.
Wareysi uu siiyay telefishinka, Putin wuxuu ka horyimid riixitaanka Trump ee ah helitaanka kaydka macdanta ee Ukraine, isagoo sheegay inay diyaar u yihiin inay la shaqeeyaan “shuraakada shisheeye” oo ay ku jiraan shirkadaha macdanta.
Putin waxa uu sheegay in heshiiska Maraykanka iyo Ukraine ee ku saabsan macdanta naadirka ah aan dhankooda u lahayn wax walaac ah.
“shaki la’aan, waxaan rabaa in aan xooga saaro, khayraad badan marka loo eego Ukraine, Sida dhulalka cusub, waa isku mid, waxaan diyaar u nahay inaan soo jiidano shirkadaha ajnabiga ah, dhulalkeena taariikhiga ah, kuwaas oo ku soo laabtay Federaalka Ruushka,” ayuu yiri; Putin.
Waxa uu sidoo kale soo jeediyay in Ruushka iyo Maraykanku ay iska kaashadaan wax soo saarka aluminium ee Krasnoyarsk, ee Siberiya, halkaas oo ah mid ka mid ah aluminium-ka Ruushka, uu leeyahay kuwa ugu weyn.
Hadalka Putin oo laga sii daayay telefishinka ayaa daba socday shirkii golaha wasiirada ee looga hadlayay kheyraadka dabiiciga ah ee Ruushka.
