Ruushka oo siidaayey Ksenia Karelina, oo heysata dhalashada Maraykan-Ruush oo loo xidhay deeq gargaar oo ay siisay Yukrayn, iyadoo lagu beddelay nin heysta dhalashada Jarmal-Ruush oo lagu eedeeyay basaasnimo milatari.
Mareykanka iyo Ruushka ayaa khamiistii magaalada Abu Dhabi ku sameeyay maxaabiis is dhaafsi, taasoo lagu arkayay Ksenia Karelina oo u dhalatay Mareykanka iyo Ruushka oo laga sii daayay xabsiga Ruushka, iyadoo lagu bedelay Arthur Petrov, oo u dhashay Jarmalka iyo Ruushka.
Qareenka Karelina ayaa xaqiijiyay warka subaxnimadii Khamiista.
Karelina, oo hore u ahaan jirtay qoob-ka-cayaare ballet, ayaa horey loogu xukumay 12 sano oo xadhig ah kadib markii lagu helay August 2024 khiyaamo qaran kadib markii ay ugu deeqday ku dhawaad $50, hay’ad samafal ee Ukraine.
Waxay qaadatay dhalashada Mareykanka kadib markii ay u guurtay Los Angeles, waxaana la xiray Janaayo 2024, kadib markii ay ku laabatay Ruushka si ay u soo booqato qoyskeeda.
Siideynteeda ayaa ah tii labaad oo ay is dhaafsadaan maxaabiis Mareykan iyo Ruush ah tan iyo markii uu Trump xafiiska la wareegay bishii Janaayo.
