Madaxweynaha Ukraine Volodymyr Zelenskyy ayaa weerarkii Ruushka ee lagu qaaday xarun keydka nukliyeerka oo u dhow Chernobyl ku tilmaamay “wax laga xumaado”.
Diyaarad aan duuliye lahayn oo Ruush ah ayaa ku dhacday xarun lagu kaydiyo shidaalka nukliyeerka ee la isticmaalay meel u dhow warshadda Chernobyl, sida ay sheegeen mas’uuliyiinta Ukraine Axaddii.
Hay’adda ilaalada nukliyeerka ee Qaramada Midoobay, IAEA, ayaa sheegtay in lagu wargeliyay weerarka iyo in heerarka shucaaca ee goobta ay weli deggan yihiin.
Xaruntu waxay ku taal qiyaastii 15 km u jirta warshadda Chernobyl, oo ah goobtii uu ka dhacay shilkii ugu xumaa ee nukliyeerka adduunka sannadkii 1986.
Dhacdadu waxay timid iyadoo Ra’iisul Wasaaraha Ingiriiska Keir Starmer uu martigelinayo hoggaamiyeyaasha Ukraine, Faransiiska iyo Jarmalka si ay uga wada hadlaan taageerada joogtada ah ee Ukraine ee dagaalka ay kula jirto Ruushka.
