Warbixin ay soo saartay warbaahinta ayaa lagu sheegay in Sacuudi Carabiya ay ka wada hadlayso heshiis amni oo “nabad ah” oo dhexmara Iiraan iyo dalalka Bariga Dhexe isla marka dagaalka Mareykanka iyo Israa’iil ee Iiraan uu si kama dambays ah u dhammaado.
Iyadoo soo xiganaysa diblomaasi Carab ah oo aan la magacaabin, jariirada Financial Times ayaa sheegtay in heshiiska loo qaabayn doono mid lamid ah heshiisyadii Helsinki ee 1975, kaas oo Mareykanka iyo dalalka Yurub ay la saxiixdeen Midowgii Soofiyeeti iyo xulafadiisa.
Diblomaasigan ayaa u sheegay Times in ka mirro dhalinta heshiiskan uu ku xiran yahay oo kaliya “wadamada saxiixa”.
“Iiraan la’aanteed, waxay noqon kartaa mid aan saameyn lahayn sababtoo ah Iiraan, waa dalka kaliya ee khilaafka weyn kala dhaxeeyo dalalka kale ee khaliijka. Maadaama Iiraan aysan meelna u socon, waa sababta Sacuudigu u riixo heshiiskan, ayaa laga soo xigtay ergayga.
Laba diblomaasiyiin aan la aqoonsan ayaa sidoo kale muujiyay shaki ah in Imaaraadka Carabta uu ku biiri doono heshiis noocaas ah, sida lagu sheegay warbixintan.
Imaaraadka Carabta ayaa xiriir dhow la leh Israa’iil kadib markii ay saxiixday Heshiiskii Abraham ee 2020.
Xafiiska ra’iisul wasaaraha Israa’iil ayaa shalay baahiyey in Benjamin Netanyahu uu booqasho “qarsoodi ah” ku tagay Imaaraadka Carabta, wuxuuna la kulmay madaxweynaha intii uu socday dagaalka Iiraan.
