Ambassador Nkosinathi Emmanuel “Nathi” Mthethwa ayaa meydkiisa laga helay banaanka hotel ku yaalla magaalada Paris. Dhimashadiisa waxaa looga shakisan yahay inuu is-dilay, sida uu sheegay xafiiska xeer ilaalinta.
Safiirka Koonfur Afrika u fadhiya dalka Faransiiska, Nkosinath Emmanuel Mthethwa, oo meydkiisa laga helay bannaanka hotelka Paris, ayaa fariin is miidaamin ah uga tagay xaaskiisa, sida uu sheegay xafiiska dacwad oogaha Paris.
Mthetwa maydkiisa oo aan naf lahayn ayaa Talaadadii shalay laga helay beerta gudaha ee hoteelka Hyatt.
Fiidnimadii Isniinta, xaaskiisa ayaa ku wargelisay ninkeeda inuu maqan yahay booliiska ka dib markii ay heshay fariin “kaas oo uu raaligelin ka bixiyay oo uu ku muujiyay rabitaankiisa ah inuu noloshiisa soo afjaro,” ayay xeer-illaalinta Laure Beccuau ku sheegtay hadal ay soo saartay.
“Baaritaannada ugu horreeya waxay muujinayaan in tani ay noqon karto fal ula kac ah, iyada oo aan cid saddexaad soo faragelin,” ayay tiri.
Waxay ku nuuxnuuxsatay in baaritaanka uu raadin doono in la ururiyo dhammaan cadeynmaha.
Safiirka, oo loo yaqaan Nathi Mthethwa, ayaa degenaa qol ku yaal dabaqa 22-aad ee hoteelka.
Mthethwa oo 58 jir ah ayaa safiir ka ahaa Faransiiska tan iyo markii loo magacaabay Diseembar 2023.
