WASHINGTON:— Senator Lindsey Graham, oo muddo ka badan labaatan sano matalayay gobolka South Carolina kana tirsanaa…
WASHINGTON:— Senator Lindsey Graham, oo muddo ka badan labaatan sano matalayay gobolka South Carolina kana tirsanaa siyaasiyiinta ugu saameynta badan Jamhuuriga ee arrimaha dibadda, ayaa Sabtida geeriyooday isagoo 71 jir ah.
Qoraal ka soo abxay xafiiskiisa ayaa lagu xaqiijiyay geerida, qoraalka ayaa lagu sheegay inuu u dhintay xanuun degdeg ah oo lama filaan ah. Sababta rasmiga ah ee geerida weli lama shaacin, inkastoo warbaahinta Mareykanka ay sheegtay in gurigiisa looga yeeray adeegyada gurmadka degdegga ah kadib markii uu la kulmay xanuun dhanka laabta ah.
Maalmo ka hor geeridiisa, Graham wuxuu booqasho ku joogay magaalada Kyiv, halkaas oo uu kula kulmay Madaxweynaha Ukraine, Volodymyr Zelensky. Wuxuu taageeray xoojinta difaaca Ukraine iyo cunaqabateyn cusub oo ka dhan ah Ruushka, isagoo sidoo kale booqday xarumo lagu soo saaro diyaaradaha aan duuliyaha lahayn (drone-yada). Ma jirto wax caddeyn ah oo xiriirinaya geeridiisa iyo booqashadaas, inkastoo baraha bulshada lagu faafiyay warar aan la xaqiijin.
Graham wuxuu siyaasadda ku jiray in ka badan 30 sano. Wuxuu soo noqday xubin ka tirsan Aqalka Wakiillada ka hor inta aan loo dooran Senate-ka 2002, waxaana lagu yaqaanay mowqif adag oo ku aaddan siyaasadda dibadda, gaar ahaan taageerada Ukraine, Israa’iil iyo kor u qaadista awoodda milatari ee Mareykanka.
Inkastoo uu si adag u dhaliili jiray Donald Trump xilligii ololaha doorashada 2016, haddana wuxuu markii dambe noqday mid ka mid ah xulafadiisa ugu dhow ee Senate-ka.
Madaxweyne Donald Trump ayaa ku tilmaamay Graham “waddani dhab ah,” halka hoggaamiyeyaal kale oo Mareykan iyo caalami ah ay ku ammaaneen doorkii uu ka qaatay siyaasadda arrimaha dibadda iyo amniga qaranka.
Sida uu dhigayo sharciga South Carolina, guddoomiyaha gobolka ayaa si ku-meel-gaar ah u magacaabi doona qof buuxiya kursiga Senate-ka ilaa doorasho rasmi ah la qabto.
