Hoggaamiyeyaasha toddobada waddan ee ugu sarreeya adduunka dhanka warshadaha ee (G7) ayaa sanadkan ku shiraya magaalada Evian-les-Bains, ee dalka Faransiiska.
Ajandaha ayaa la filayaa inuu ku koobnaado dagaallada ka socda dalalka Iiraan iyo Ukraine.
Kulanka ayaa bilaaban doona iyadoo su’aalo laga keenayo ku dhawaaqistii heshiiska nabadda ee u dhexeeya Mareykanka iyo Iiraan. Madaxweynaha Mareykanka Trump oo shirka ka qeyb galaya ayaa sheegay in la dhaqan gelin doono heshiiskaas.
Shirkan ayaa sidoo kale kusoo beegmaya xili dalalka EU-da iyo Mareykanka ay si weyn isugu khilaafsan yihiin xalinta dagaalka ka socda Ukraine iyo tariifada Mareykanka kusoo rogay ganacsiga u dhaxeeya labada dhinac.
Martigeliyaha shirka Madaxweynaha France, Emmanuel Macron ayaa sidoo kale casumay hoggaamiyeyaasha dalalka Masar, Qatar, Ukraine iyo Imaaraadka Carabta si ay uga soo qayb galaan kulamadan.
