Wasiiru Dowlaha Arrimaha Dibadda iyo Iskaashiga Caalamiga ee Xukuumadda Federaalka Soomaaliya ayaa kulan muhiim ah la…
Wasiiru Dowlaha Arrimaha Dibadda iyo Iskaashiga Caalamiga ee Xukuumadda Federaalka Soomaaliya ayaa kulan muhiim ah la yeeshay Xoghayaha Arrimaha Dibadda ee dalka Aljeeriya. Kulankan ayaa lagu adkeeyay sida labada dal ay uga go’an tahay xoojinta xiriirka diblomaasiyadeed ee taariikhiga ah.
Labada dhinac ayaa kulankooda kaga hadlay ballaarinta iskaashiga dhinacyo badan oo ay ka mid yihiin siyaasadda, dhaqaalaha, iyo nabadgelyada. Waxa ay sidoo kale si qoto dheer uga wada hadleen arrimo muhiim ah oo quseeya gobolka Afrika iyo sida dalalku uga wada shaqeyn karaan xal u helista caqabadaha jira.
Waxay sahamiyeen hindiseyaal wadajir ah oo lagu xoojin karo wadashaqeynta labada wadan si loo abuuro iskaashi miro-dhal ah. Labada dal ayaa muujiyey in ay diyaar u yihiin kordhinta wada shaqeynta mustaqbalka si loo gaaro ujeeddooyin horumarineed oo la wadaago.
Kulanka waxaa goob-joog ka ahaa Danjire Yusuf Axmed Xasan (Yusuf Jeego), Safiirka Soomaaliya u fadhiya dalka Aljeeriya. Safiirka ayaa door muuqda ka qaatay fududeynta kulanka iyo horumarinta xiriirka labada dal ee walaalaha ah.
