Mas’uuliyiinta Iiraan ayaa la kulmaya wafdi ka socda Bakistaan iyagoo doonaya inay fududeeyaan wareeg labaad oo wadahadal ah ka hor inta uusan dhicin xabad joojin lala galo Mareykanka usbuuca soo socda.
Taliyaha ciidamada Bakistaan, Field Marshal Asim Munir, ayaa ka degay Iiraan si ay u yeeshaan wadahadallo heer sare ah oo ku saabsan dib u bilaabista wadahadallada u dhexeeya Iiraan iyo Mareykanka.
Wafdigu waxay farriin ka wadaan Washington iyagoo wadahadal laleh Wasaaradda Arrimaha Dibadda ee Iiraan. Waxay sidoo kale si aad ah uga shaqeyneysaa sidii ay u abaabuli lahayd wareegga xiga ee wadahadallada Islamabad.
Ra’iisul wasaaraha Pakistan, Shehbaz Sharif ayaa booqanaya qaar kamid ah dalalka Khaliijka, oo ay ku jiraan Sacuudi Carabiya, Qatar iyo sidoo kale Turkiga.
Dadaalkan ayaa socda iyadoo xabbad-joojinta ay dhacayso 21ka Abriil, mas’uuliyiinta Pakistanna waxay rajeynayaan inay heli karaan waqti dheeraad ah.
Shariif wuxuu isku dayi doonaa inuu ku qanciyo dalalka gobolka inay sidoo kale isticmaalaan awooddooda si ay Mareykanka ugu qanciyaan inuu ka qaybqaato wadahadallo cusub oo lala yeesho Iiraan.
